03-09-2012, 11:32 PM
|
| |
رد: بوح الاحساس
احبك يالسهر .. واحب شهقاتك.. وزفراتك ..
تلذذتك هيام ..وسكرتي..حرمان مع نشوة ..
شربتك كاس فقد ..ولاصحيت الا بـ أهاتك ..
وعقلي تغرقه .. بين الخيال .. وصدمة الصحوة ..
ابشرب .. وارتوي طيف الغياب.. وعلّها فداتك ..
عيونُ من سهدها ..ضاع درب النوم والغفوه ..
وبعزف لك مقامات الرحيل.. وكل وصلاتك ..
على وتر التنهد .. بحة الاحزان .. لك غنوه ..
مزامير الجفاء .. ناي الجريح ..ونغم ويلاتك ..
تسلطن في خفوقي .. وتحداني للبكاء عنوّه ..
هبوب الذاكره ..هبت حنين .. وريحها جاتك ..
من اعماق الشعور .. تسابق النبضات.. والخطوه ..
كفخ قلبي .. وطارت مهجتي.. لعيون مرضاتك..
وانا داري زعلك من الجفاء ..وحضوري الرضوه ..
هلا بي لا حضرت ..ومرحبا بي قدم نظراتك ..
وعسى دربي سماح .. اليا رحلت وخابت الهقوه ..
ما ازايد في غلاك أن قلت .. ذاتي هام في ذاتك ..
وحبي حب روح ..ولا عشقتك بالهوى .. شهوه
|