03-09-2012, 11:31 PM
|
|
الغرام
لبيه ياللي يبخص الحب لبيه
لبامعاليقه ولبا حروفه
الصاحب اللي كل ماحل طاريه
يفز قلبي وانتشي مع طيوفه
لو يطلب الروح العزيزه انا اعطيه
سر الغلا مابين جوفي وجوفه
صدق الغرام اليوم بانت مواريه
ليته يشوف الحب ليته يشوفه
من لهفة الاشواق زانت لياليه
فاحت زهور الحب واخترت نوفه
ادمنت انابالعشق وش حيلتي فيه
وادري قيود الوقت تمنع ظروفه
همس المشاعرتحتفي به تناديه
وتعانق احساسه وتحضن كفوفه
لو يلمس جروحي بلمسة اياديه
طابت وزان الوقت لي مع صروفه
لو يعرف اشواقي على كثر ماغليه
تعجز قوافي الشعر تذكر وصوفه
يالله يالمعبود خلي تخليه
وجعل المنايا ماتجيه وتحوفه
|