31-08-2012, 11:13 AM
|
| |
كحل البنات الناعمات
(.....)الغالية بنت الرجال اهل الوفا والجود
عسا ربي يجنبها الجفـا و الهجـر والصـدة
(.....) الغآليه كحل البنآت النآعمات الخود
من اطراف الخليج إلى الجنوب إلى بحر جـده
عليك الله ما لاحت و حنت في سماي رعود
على ذكر السنين الماضية فالعسـر والشـدة
وعليك الله وامانه لا عبيت الملح والبـارود
على شرد البيوت وكل بيت ابنيـه واهـده
على مدح الاصايل يا الاصيله مذخر المجهود
اسوق اغلى قصيدي لجل حي اغليـه واوده
انا شاعر ولي عين(ن) ترف وخاطر(ن) ملهود
وبيت(ن) شام عنّك اسحبه لجلك على خده
انا لك عن شحوب الامنيات و جفنها المرمود
تباشير السـرور وهفهفـة ريحانـه ونـده
اقوله يوم اقوله ما حسبت النقص والا الزود
انا هذا شعوري والبرود اقسا مـن الصـدة
|