الغلا قصه عجيبه تبتـدي بضحكـة عيـون
قصة فارسها مشاعر نابضـه بأحلـى غـرام
نصّهـا كلمـة أحبـك ياحبيبـي للجـنـون
تنطلق من قلـب عامـر بالمحبـه والسـلام
هذي هي قصة غرامي يوم جيتـك ياحنـون
مابقى شيء بكيانـي غيـر حبِّـك باحتـدام.
جيت لك تضحك شفاهي بإبتسامات الجفـون
جيت لك والقلب غارق في عبـارات الكـلام
ماتصنّعت المشاعر لاجل أبرهن مـن أكـون
كان همِّي اني آآصل ساحلك يا احلـى غـرام
أبتسم ساعة أشوفك وأنسى أيـام الشجـون
وأتخذ لأجلك مساحه فـي مواعيـد الزحـام
لاتلاقينـا وشفتـك قاسـي الغربـه يهـون
والفرح يسري بدمِي ويخترق صلـب العظـام
وإن تفارقنا دقيقـه مالـت اوراق الغصـون
والدقيقه في عيونـي شفتهـا ألفيـن عـام
الغياب..!! ياهو غيابك صب لي كاس المنون
أشربه ظلم وتجنِّي وأرتـوي بهـب انصـدام
الغلا ماهو حكايـه تعتبـر ضمـن الفنـون
الغلا عشتـه بقلبـك ياقمـر وسـط الظـلام
لو درا بصادق غرامي الغـدر حـرّم يخـون
ولو يعيشه كل مذنـب إلتـزم بعـد الحـرام
والبلابل لـو تحسَّـه زادت أنغـام اللحـون
وبه تغنّت واهتفت به.. وغارت اسراب الحمام
والبحر لو قاس حبي صارت أمواجه سكـون
وقال أنا قطره وجف وأبهـر أحـلام الانـام
حتى قيس اللي تصدّر قائمـة أهـل الجنـون
واللي أهل العشق أخذوا من أساطيره وسـام
ما وصل عشقه بليلى مرحلة ضم الحضـون
ولا تحّدى في غلاها لذة.. انفـاس.. المنـام
وعنتر وعبله غلاهم باهـت مالـه اي لـون
بعد ماشخًّصت قلبـي حُبهـم فيـه انفصـام
كل حُبٍ غيـر حُبـي مثـل همَّـال المـزون
يستمر وقت والسحاب وينتهي وقـت الغمـام
وكل شعرٍٍ غير شعري مايفـي باللـي يبـون
تكتـب حروفـه احبـك ونيّتـه بالانتـقـام
أتحدى ... وأتحدى ... وأتحدى ... من يكون
إن قلبٍ غير قلبـي حُبـه صـادق بالتمـام
وإن كلامي ماعجبهـم يفعلـون مايشتهـون
يمكن لاشافـوا ولا عندهـم ينشـاء اهتمـام
الغلا قصه وصـارت بينـي وبينـك جنـون
حكيتها بشعور قلبـي قبـل مايبـدا الكـلام
الغلا واقع أعيشه..معـك مايرضـى الظنـون
واقع أجمل من خيال ..واقع نبـراس الوئـام
بطلبك قبل أنتهي كانك لـإحساسـي تصـون
إن لحظـات التواصـل نغتنمـهـا اغتـنـام
مانبي الايام تمشـي والمشاعـر يتعبـون..
والخطاوي الهاويه فـي سراديـب الخصـام
والامانه في النهايه ياحكـي حُـب العيـون
لافهمت حروف شعري ضمهـا بعـد الختـام