ابشر بروحٍ تشتريك وما تبيع
وابشر بشعرٍ يسكبك في صفحتي


انت الذي يخضع له الصعب ويطيع
ويهون جرحي في سناه ودمعتي


لاجلك أبيع الكون والعالم وابيع
كل السعاده والهنا في دنيتي


ومن أجل حبك أهدم السد المنيع
وارمي همومي والجروح بسكتي


تفداك روحي والعمر كله جميع
ويفداك كلي ياغلاي وفرحتي


لاقلت احبك صار نبضي بك سريع
وجاش الحشا وزلزل زوايا مهجتي


الحب مخلوق لعيونك والربيع
والشوق من أجلك يقيم قيامتي


مجنونه بحبك وقلبي لك يذيع
ويغني بسحرك وتحلى ليلتي


ياغيم يغسل جرحي وجرحي مريع
ياحب ينسيني ملامح غربتي


اضحك تراني بضحكتك والله أضيع
ويفوح عطرك في ثنايا بسمتي


أكره أشوفك مكتئب حالك يشيع
عن هم في قلبك يسبب ضيقتي


وابشر حبيبي يشهد الرب السميع
والله ما اتشوف الأسى من سبتي


مماراق لي