لبا العيـون اللـي حلاهـن فتنـي
ولبا العيون اللي على شانهن جيـت




راحت بي افكـاري بعيـد ٍ وجنـي
حبيتهن .. مدري ؟ انا اقول حبيـت



فيهن جمـال وشفتهـن . يلمحنـي
من بعدها مدري وش اللي به ادليت




من شفتهن مدري وش اللي سكنـي
ضيعت بـدروب المدينـه وعديـت




نظـره مداهـا يبتعـد ويحظـنـي
ونظـره تنادينـي الا مـن تعديـت




ونظـره تـدوخ منهـا زاد ونــي
ونظره تبسم لي اذا اصبحت وامسيت




ونظـره الا مـن ناظـرة تمتحنـي
هذي هي اللي فـي هواهـا تمنيـت