21-07-2012, 06:47 PM
|
| |
الوفا بالحب
شف الوفاء بالحب شف كيف الاحباب
اسمع وانـا بعطيـك قصـة فريـده
قصة غلاء وصل صداهـا للاجنـاب
قصـة غريّـب يـوم فـاز بوديـده
رغم الظروف ورغم تأثيرالاصحـاب
ورغم الحيـاة اللـي بوقتـه زهيـده
ضحّى وضحت له وعاهد ولاخـاب
وجابه على حمـراء سريع(ن)فديـده
رام المخاطر ستر وضحـاء ولاهـاب
ماردتـه جـرد الديـار البعـيـده
لأنه كفـو تهتزلـه كـل الاشنـاب
علي حرام,, انـه حصـان وفقيـده
اركب وديده يوم نور القمـر غـاب
الجادل اللـي قـال فيهـا القصيـده
بنت الرجال اللي لهم بالشرف بـاب
مثل الاصيل اللـي تـداري حديـده
ومن طيب اهلها يوم دريو بالاعجاب
رضيو بأخو وضحاء وهـذي حميـده
خيالـة العليـاء لياصـار ضبضـاب
من فعلهـم خيـل المعـادي معيـده
من ضربهم تلقـى الصناديـد هيـاب
في ساعت(ن)والحرب يخلـف وقيـده
عزوة رويل ان صار للسيف مضـراب
افعالهـم بيـن القبـايـل وكـيـده
قصه شرف ضافت لنا عز وانسـاب
وصار الترابـط بيـن كـل البديـده
ومنها انجب اللي هدته ترهب ارهـاب
فرحـان ياهـام الضديـد بضديـده
وشولاح راع الطيب فكاك الانشـاب
اوي والله يالنـشـامـا ولـيــده
واخوانه اللي بالمراجـل لهـم نـاب
لـو اتطـرق للسوالـف عـديـده
غريّب زمام المجد والمدح لـه طـاب
الفـارس اللـي مايخـون الوعيـده
في ساعت(ن)لاصار طالب وطـلاب
والمعركـه مثـل اشتعـال الجريـده
يرسي وياخذ حق نفسـه والاقـراب
في موقف(ن) بالحرب يصعب جحيـده
هذا وانا ذكـرت قصـة للاحبـاب
قصّـة غريّـب يـوم فـاز بوديـده
الشاعر / عايد بن عياده الشمري
|