يا قاتلي مادرى عنّي ولا ويني !
ياقاتلي ليت صبري ربع من صبرك
على كثر م انت جافيني وناسيني
على كثر ما أشوفك غير واعتبرك
ولا تغيرت و سنيني ~ هي سنيني
شاعرك ~ عاشقك ~ مجنونك على خبرك
مااعرف شـ اسمي ولا ادري عن عناويني !
ضايع مع الحزن خفّاقي على اثرك
مافيه درب ٍ يودّي .. ما يودّيني
مدامك الارض قل لي ليه ابختصرك !
أحبك بكل م املك من شراييني
ليتك محطه يعبر العمر وآآآعبرك
انت اشتركت فـ / تفاصيلي و تكويني
كني انا انت ,, من صغرك إلى كبرك
تغيب و آآصير صبّ و يعترك فيني
أشباح نسيانك .. و ملايكة ذكرك
وتطيح من عيني الدنيا على ايديني
لو أخسر الناس انته بس ما آآخسرك
خذني على قدّ حبي لك و تخميني
و لا تعذّر ,, لأني دآيم آآآعذرك
وتعال شف وجهي المُنهك وشف عيني
وخذني بآياديك من سحرك الا نحرك
من كثر ماقلت بـ تجيني ولا تجيني
و انا معك نصف معك ونصف ينتظرك
علمتني مااضيّع شيّ في ايديني
انا فدا امك وابوك وعفوك وشكرك
العمر ماهوب بسنينك و بسنيني
العمر لحظة محبه تعتبر عمرك