وخـوف من الماضي يطارد ورى خوف *** وعيوب ٍ تكشف والله اللـي سترهـا


واحـداث تجري والسبب غير معـروف *** وشـوق عـن الخـلان رجلـه قصرهـا


جـرتي مـع الأيــام والـوقــت يانـــوف *** يانـوف وانـتـي ماء العيـون وبصرهـا


يانــوف قـامــت ضـدنــا عـدة اظـروف *** والــروح مـمـا صـار قـرب خـطـرهـا


لاجـيت ابشرح موقـفي منك مـكسوف *** راحــــت حــلاويــهــا وهــذا كــدرهـا


يانـوف لويـصبـح بينـا السر مكشـوف *** وعـدوانـنـا تمشـي وتكشـف خــبرهـا


وانتي سبب مابي وانا منـك ملهـوف *** وارضي دهر .. يانـوف وانتي مطرهـا


وانتي الذي يعجز بك الوصف ووصوف *** وانتـي بسـاتـيـن الفـواد وشـجـرهـا


ياجادل ٍ شعره على المـتن منسـوف *** لامن لـقــوه البيـض يقـصـر شعــرهـا


يامدمج الساقيـن والوسـط مـلـهـوف *** وكن الـقـمر في وسط ..لبـت نحرهـا


قربك يـطمن لوعـتـي لحظـة الخـوف *** وحـبـك مـعـاليـق الظمايـر صهرهـا


قـالـت كـفى ماصار ما انتـه بمكلـوف *** انا السبب فيما حصـل مـن ضـررهـا


ودي بشوفك بـس يكفينـي الشـوف *** يا مـن عـمـر حـالـي وعــود دمـــرهـا


لارحت قـلبـي راح ..بثرك . مـحـذوف *** وعيني بعـد فرقـاك طـول سهرهـا


ليـتك تـشـوف الحـال لـو ودك تشـوف *** حال الـذي نفسـه بنفسـك ..نـذرهـا



سعد بن محمد بن سعيد