12-06-2012, 10:01 PM
|
| |
كيف المشاعر في خفوقي تخبا
خليـت حلـو القـاف يبـدا بلبـا
لبيه ياللـي تدعـج العيـن لبيـه
كيف المشاعر فـي خفوقـي تخبـا
والموت تحت اهداب عينك مرابيـه
الصبر ضاع وقلت تـب(ن) وتبـا
والسد باح وبـان للنـاس خافيـه
مغيـر اسولـف للعـرب واتنـبـا
يامن يبشرني و بالخيـر باجزيـه
مريض مـا بـدواه عنـد الاطبـا
فكر الطبيب اللي كشف حاير(ن)فيه
دواه ثلجن تحـت جمـر(ن) مخبـا
يذوب به حلو العسل والشفـا فيـه
العود غصنن راقصـن فـي مهبـا
والوجه شع النور والشال كاسيـه
بدرن بسـود السحـب عنـا تغبـا
لوبان صام البيض متولع(ن) فيـه
نار المـوده فـي ضلوعـي تشبـا
وحاضر زماني صار يشكي لماضيه |