11-06-2012, 12:35 PM
|
| |
الفارع الشقرا
إطلاله الصبح: وجه الفارع / الشقرا
بالذات لا فرعت وأرخت ذوايبهـــــــــ ا
قطعه من الشمس جات .. بليلة غدرا
كن المســا من صباح الغد جايبهــــــا
الصبح ما ينتهي معها .. وبالأحرى
تلقاه من وين ما حطت .. ركايبهـــا
عن الظلام وسواده .. تسمع وتقرا
وما كانت تصدقه لولا .. صحايبهــا
لا سولفوا بالسهر والليل والمسرى
تشوم عن .. سالفتهم .. وتعايبهــــا
بنت السحاب النقي من حقها تدري
على .. نقاها / براءتها / سحايبهـا
وريثة المجد يوم المجدمايشري
لاهب طاري الفخر هبت هبايبها
تفز وتشوش كنها .. مهرة صفرا
اليـا نتخوا في .. سميتها .. نصيبها
تستاهل الشعر والاعجاب والذكرى
ما خيبت نظراتي ولا رجاي بهــــــا
تقول للي يبي يلعب بهـا .. وازرى
ما قالته من رهى لا اكثر .. بايبها
يا ضعيف النفس حاول مرة اخرى
وقم العلم الناس حاضرها وغايبها
ما يقدر ابليس يلعب في عقل :عذرا
تقدر إخوانها .. وتحب شايبهــــــــا !!
محمد جارالله السهلي
|