07-06-2012, 01:58 PM
|
| |
اسهري معي لايسرق النوم عيونك
اسهري معي لايسرق عيونك النوم
مايرقد اللي ينتظر صوت غالي
وليا هجع في حيكم ساير القوم
شق الدجا الصامت ترانيم اتصالي
خل العذل والذل والخوف واللوم
وامسح عرق صافي جبينك بشالي
خل أمس راح وكلمني عن اليوم
ارسم لوضعك صورة(ن) في خيالي
أوقف معك لاصرت حاير ومهموم
واضحك معك لاصرت مرتاح سالي
واللي من الغيره يصيروا لك اخصوم
نقبل تحديهم سوى ولاتبالي
الله عطاك الحسن وماانته بمحروم
حسنك ينادي ارفع الرآآس عالي
بين النساء تقبل كما باشة الروم
كنك تقول الله خلقني لحالي
|