أتـحــصّــن مــيـــر مــاعــنــدي مــنــاعــه
يـسـتـر الله مـــن دواي ومــــن طـبـيـبـي


خـاطـري مشـحـون مــن كـثـر إلتيـاعـه
يـجـحـد الـعـلّـه وأنـــا جـرحــي عطـيـبـي


منـكـسـر مـــا بـيــن حـبـسـه وإنـدفـاعـه
و واقــف ٍ بـيـن المـنـادي والمجـيـبـي


وأنـت يـا الـلـي بيـنـي وبيـنـك طمـاعـه
لا تسـلّـمـنـي ظـنـونــي وأتــغـــدي بـــــي


فـــرّد جــروحــي لــيــا جــاتــك جـمـاعــه
ولا تـخـلـيّـهـا تـجــمّــع لـــيـــن أطــيــبــي


لا تـجـامـلـنـي وحــبـــك عـــــن قــنــاعــه
مـــا غصـبـتـك بالمـحـبّـه تنـتـحـي بـــي


فـيــك روعـــه لـلـغـرام .. ومـنــك راعـــه
وأصــدق العـشّـاق مـقـطـوع النصـيـبـي


سـمّ وأسلـم وأبشـر وسـمـع ٍ وطـاعـه
ضارب ٍ سمعي على صوتك صليبي


راح قلبـي مثـل أخــوك مــن الرضـاعـه
ورحــــت عــنــيّ لا بـعــيــد ولا قـريــبــي


مـا لحقـنـي شــك غـيـر مــن القطـاعـه
يـا الله أقطـع فالـهـوى شـكـيّ و ريـبـي


لا تـقــول الـحــبّ يـبـغـا لـــه شـجـاعــه
وأنـت يـا طيبـك وأنـا يــا طـيـب طيـبـي


حــافـــظ ٍ تــاريـــخ مــيـــلادك وداعـــــه
والـزمــان يـــدور والـعـمـر يــعــدي بــــي


كـــل عـــام وكــــل يــــوم وكــــل ســاعــه
وأنـــت طـيــبّ ومـتـعـافـي يــــا حـبـيـبـي


وألاّ أنــا عـمــري يـخـلـف الله ضـيـاعـه
كـــلّ مـــا عـيّــد شـبـابـي عـــاد شـيـبــي


ســيّــدي كـــــل ٍ بـطـبـعــه وإنـطـبـاعــه
كــان مــا طـريّــت جـيـبـك طـــرّ جـيـبـي


وأعتـبـرنـي شـاعــر وراعــــي بـضـاعــه
يابس ٍ عرقي على الغصن الرطيبـي


إسـتـمـع لـــي والـشـعـر مـثــل الـوداعــه
يحـتـمـيـهـا راعـــــي الــعــقــل الـلـبـيـبــي


وأن سمعت اللي يطيب إلك إستماعه
قـــول صـــح لـســان ســــداح العـتـيـبـي