قالوا تحب وقلـت بالحيـل حبيـت والحب سنـة مـن قديـم الزمانـي
واعلنت حبـي للمـلا مـا تخفيـت
ويشهد بحبي ربـي اللـي برانـي
حب ملازمني اليا اصبحت وامسيت
متمكـن بالجـوف بيـن المحانـي
حب فرق عن حب بعض السرابيت
اللي يبيـن وينتهـي فـي ثوانـي
قالوا جميلة ؟قلت !لوقلت ما اوفيـت
عن وصفها ياناس يعجـز لسانـي
مزيونة وان جيتهـا داخـل البيـت
نسيت كل النـاس قاصـي ودانـي
لامن دعتني قلـت حاضـر ولبيـت
لبيه لبـى صوتهـا اللـي دعانـي
وان كنت نايم واسمع الصوت فزيت
فـزت محـب مارضـى بالتوانـي
ياعاذلي ياعنك في حقـي اخطيـت
ياكيف اطيعك عقـب ربـي هدانـي
هذي صلاتي خصهـا الله بتوقيـت
هي مقصدي والصوت صوت الأذاني
يا الادمي وان كان لك قلب واوحيت
احرص عليهـا لايكـون تعصانـي
ان قام حظك طعت ربـك وصليـت
وابشر تخلـد فـي نعيـم الجنانـي
وان كنت معرض لاذن الفرض قفيت
فا بشر تخلـد فـي حميـم وآنـي