ياقلبي اللي غزاه الحزن واصداده = انشت عليه الهموم وزاد ماطرها
لاجيت برتاح فوق افراش ووساده = كثرت همومي عسى الله مايكثرها
وجيت اتعبد واصلي ومحق اعباده = وقفت وكسر اذنوبي واجبرها
ولامن كلن تهنا واستوى ارقاده = ادوج واسند الديره واحدرها
وامشي ثمانين كيلو شرق وازياده = اسوف واطول الخطوه واقصرها
اسباب غرون جميل وفات ميعاده = انشد عنه ساكن الديره وزايرها
احب قربه واحبه واكره ابعاده = وايامن الناس عن حبه واياسرها
يلي تعرفه تراه ان طول اعناده = يمكن شرايين ابو مفلح يفجرها
والحب ياصحابنا في اقلوبنا عاده = وأليت الحب مانقدر نغيرها
هذي سلوم الهوى والناس نقاده = انساير الناس ولامانسايرها