قال ابو مفلح صوت ماهوب مسموع = ماكن ماجودٍ على الارض دوعي
محدٍ درى بالصوت لو كان مرفوع = وانا رفعته لين لجة ضلوعي
فتحت به مشروع واغلقت مشروع = لكن صوتي ماتعدى سموعي
وان جيت اقيم افراح وولع اشموع = كبرت حلوق منفخين الشموعي
لكن صبري من تهامه لميقوع = ماينتهي في يوم ولا سبوعي
مخلص واحس اني على الخير مدفوع = وابعد عن اللي يظعفون البتوعي
واحيان احس اني عن الخير ممنوع = عسى نزولي مايساوي طلوعي
واليوم برسل خط واضح ومطبوع = كلنٍ يشوفه غير شين الطبوعي
للشجرة اللي جالها جذور وافروع = عسى الجذور يعلمون الفروعي
وان كان شفت الدرب مغلق ومقطوع = شكواي لله ماتفيد الفزوعي