14-03-2012, 03:21 PM
|
| |
اكحل وسيع العين
ياهاجسي والبعـد للقلـب مقسـاه
والذكرى اللي ضيعتلـي صوابـي
جالـس وافكـر واتذكـر مزايـاه
واردد الافكـار واخفـي عذابـي
قالو نسيته قلت والله فـلا انسـاه
ياكيف ابنسى من غرامه سطى بي
حبه بوسط القلب والعين مرسـاه
يفداه عمري مـع بقايـا شبابـي
ابوثمان(ن) جر قلبي من اقصـاه
ياكيف انا بنساه دامه رضى بـي
أكحل ..وسيع العين ..والخد محلاه
واليا ابتسم يشفـي بقايـا عذابـي
ماشفت مثله ياعرب فـي حلايـاه
زودن على وصفه خياله سرى بي
اشفق على صوته..وشوفه...و لقياه
بس الدروب بعيد مامـن ذهابـي
بيني وبينه عهد وحلوف ووصـاه
(عهد المحبه) منقضه لو نوى بـي
|
|