مجالس الرويضة لكل العرب - عرض مشاركة واحدة

#1 (**permalink**) 15-02-2012, 09:52 AM

السلام عليكم ورحمة الله وبركاته

هذا واحد كان يحب اخته وعلاقتهم قويه مع بعض

متعود على ضحكتها وفرفشتها وخفة دمها

بعد ماتزوجت اخته وراحت مع زوجها

اخوها سافر

واتصل عليها بعد فترة

ولاحظ اخته ماتضحك كأنها حزينة وصوتها مو طبيعي

وكل ما يسألها وش فيك تقوله مافي شي

عرف ان زوج اخته يهينها

ويسيئ معاملتها

كاتب هذي القصيدة<<<< لبى يمنااااه بس مافي منه ثنين

لاتنثرين الدمـع قولـي لـي وش فيـك -- تخالطت عبرات صوتـك وانـا اسمـع

تقطع خطوط الجو والصـوت مغريـك -- ودمعك غدى نيـران بالجـوف واقشـع

ووقف شعر راسـي ودكـن دواكيـك-- وضرب اخماس اسداس بالشك واجمـع

ويبسن عروق القلب وصـارن مهاليـك -- مغيـر اغـص بخافـي الريـق وابلـع

وشلـون مابـه شـي يرحـم اهاليـك -- تدريـن بغيـر الصـدق لايمكـن اقنـع

انا عهـدت الضحـك يعشـق اشافيـك -- وعيـون ماخلقـت علـشـان تـدمـع

سلامـة الـي كـل ابوهـم عزاويـك -- وليـا انتخـوا بالحيـز نيـران واشنـع

وليا وضح صوتـك باذانـي عزاويـك -- (حيزا حيزا !)ساعـة الصفـر ترجـع

تكفـخ حرار(ن)ماسبقـوه ـا ممالـيـك -- وترسي جبال(ن)مانـوت يـوم تخضـع

وتـارد فهود(ن)ماتهـاب الشرابـيـك -- وتهـوي نجوم(ن)لارمـت جـال تفنـع

من اقصى الجزيرة اعصار توحي اذانيك -- مـن هيبتـه يرتـج حفـره ويـركـع

ومن اقصى الحساء بركان تونس اياديك -- مـن هيبتـه صميـدع القلـب يـربـع

لا والله الا اجيك وشلـون مـا اجيـك -- شفني عليه اقرب من الموت واسـرع

اللي ازعلك يمكـن نسـى انـي اخيـك -- ولا تخيـل لاتغربـت مــا ارجــع

لاتنثريـن الدمـع حـيَّـن محاكـيـك -- والله تخضع اشناب مـن شـان مدمـع

قيل ان الشاعر خميس المعلا الخالدي و((حيزا )) عزوة الخوالد

وهنا رد معارض لما قبله...

< وقيل ان هذه القصيده لواحد شمري وبقولكم سالفته بس الي قاعد يقوول الشاعر هذا خالدي
هذا واحد شمري كاان يدرس بامريكا بعدين دقت عليه اخته الوحيده واسمها حيزا هو يتيم واخته مالها احد غيره دقيت عليه تبكي زوجها ضاربها
وجاء من امريكا وتهاوش معاه وذبحه بعدين هرب للعراق وقال القصديه ولا قصوور بالخواالد الخوالد العين والرااس
بس هذا شمري وانتهت السالفة .

منقول بتصرف