مجالس الرويضة لكل العرب - عرض مشاركة واحدة - تكفون ياأهل الرويضة تكفون ياعيال الظهيري تكفون يالسهول (أناشدكم)

#3 (**permalink**) 27-01-2012, 03:35 PM

:

السلام عليكم ورحمة الله

كيف الحال يابو هلا عساك بخير وطيب

كلامك اللي ذكرته على العين والراس وكلنا داعمين ولد الديره والفخذ والقبيله مايحتاج

واللي وحده يعلم بحرقنا الرسايل لتصويت له

لكن خل نبدا بالاشياء البسيطه حتى نصل لشي الكبير

اولاً : توقعت اشوف بنر اعلاني في المجالس يدعم سيف بن مهنا لكن للاسف ماشفت شي !!

ثانياً : توقعت اشوف تواقيع الاداره قبل الاعضاء تحمل تصاميم وشعارات دعم لبو مهنا لكن لا حياة لمن تنادي .. الاداره في سبات عميق !

ثالثاً : خذوها على بلاطه وتقبلوها

حنا خيرنا لغيرنا

لو جاء واحدن من بعيد كلن فزع له وتجيود ولو هالواحد منا وفينا كلن صك بابه وصد وخلاه !

ياكافي مدري وش هالطبع الشين فيكم

رابعاً : ايام الانتخابات البلديه ماشاء الله كلن طق له خيمه وكلن سوا حمله وصار بالرويضه شي ماقد صار !

والحين بتعجزون تطقون لكم خيمه وتسوون حمله وتجمع يومي لدعم الشاعر في شاعر المليون !

والله شي استغربه منكم !

خامساً : الله يشفي ابو وهق ويعافيه ويرجعه سالم غانم لربعه وديرته ومكانه واهله

لو هو فيه كحيلان ماشفنا هالرباده اللي اهالي الرويضه فيها !

سادساً : وين اعيان الرويضه وشيوخها عن الدعم وين شبابها الغيورين !!!

الكلام يطول لكن احنا مانبي كلام نبي افعاااااااااااا اااال

والسلام علكيم

: