22-11-2011, 11:16 PM
|
| |
العيون
تقول اللي طرف عينك أنا مدري هدب أو عـود
أحس اني مـن اللـي صابهـا ماشـوف قدامـي
..
ضحكت .. وقلت لاتخافي على بحر العيون السود
على شط الكحل مريت .. وهذا موضـع أقدامـي
..
أدوّر عن ذهب عمري .. أدور كنزي المفقـود
وأشوف الموج يطوي الموج ويبحر مركب أحلامي
..
عيوني بسمة عيونك ولو صارت مطر ورعـود
أبشرب من ظما دمعك وابغسـل جرحـي الدامـي
..
عطيني عيونك الليلة .. وباكر ياعسـاه صـدود
أمانه لا مسحتـي الكحـل خلـي طيـف أحلامـي
..
أحبك كان يكفي الحب جروحي في هواك شهـود
أنا اللي راس مالي حلم .. وهـم الدنيـا قدامـي
البدر
|