لاضاق صدرك عالي الصوت جره=لو كان قلبك ما يطاوعك مســرور

دنياك لو تسوى من الحِــزن ذره=مـا كان تاليها توابيت وقـــبور
ومـــا كان للكافر بعمـــره مسره=ومــا شفت في ملكه ملايين وقصور
العمـر يمضي بين حلوه ومره=والموت حق وقابض الـروح مأمور
دام الحيـاه الفانية للابد مستقره=ورزقك يجـيك وبين الأجــواد مستور
لاتنشغل بالوقت ببـرده وحره=واحذر تصير بقســمة الناس مقهور
حكم القدر لاجاك خـيره وشره=أشكر عظــيم الشان والذنب مغفور
والمجلس اللــي يزعجك لا تمره=خله تــراك بشــوفته منت مجـبور
ساعات صمتٍ مـــا وراها مضره=تسوى الكلام اللي به إذنوب وإشــرور
أطلق خيالك وأتـرك النفس حره=وخــل الطبيعه فـي حياتك لها دور
وبالليل لا بانت نجوم المجـره=أذكــر بديع الخلق با إحـساس وشعور
واسجد لرب الكون مـره ومره=وإحفظ لسانك وأترك الكذب والزور
وفـروض ربك خلها مستمــره=وطـاعتك لا يدخل بها نقص وقصور