بغيت اكفر غلطة الحب واتوب=لقيت مال لتـــوبه الـحب تـوبه
لوتطلق اسباب الهوى كل مقضوب=العـيد ما جـاء اسـود بعـيـني وثـوبه
كن الفضا عن نسمة الريح محجوب=لا اشـــم من غيـرك هواه وهـبوبـه
خليت كني بعدك كتــاب مقلوب=تضيق قلبي في دروبك دروبه
حبك شـروقه غير وغروبه غروب=محدن تحمل غيــر روحه ذنـــوبه
يا ماخذن غير الغلا زين واسلوب=يا المالح اللي كل مابك عـذوبه
لو مثل زينك زين وتحسه قلوب=الموت صار اثنين ماهـو بنوبه
الموت الاول موت ربي ومكتوب=والثانيه انت والعرب ما درو به
شفني كذا ميت وانا حي محسوب=اموات[ن] احيـآء مـيتـه ومحسـوبه
بغيت اكفر غلطة الحب وأتوب=لقيت مال لتـــوبه الحب توبه