27-07-2011, 08:21 PM
|
| |
لبية
لبيه يا زولآ ليا شفته ينسيني عناي
لبيه يا صوت الغرام العذب يا ريم الفلا
لبيه يا الحلم البعيد الصعب يا غاية مناي
لبيه يا سلوة سنين العمر يا كل الحلا
لبيه يا النجم المنير اللي يزين لي سماي
لبيه يا النور المشع اللي عن الارض آعتلا
لبيه يا ناسي ونوماسي ويا كل اصدقاي
لبيه يا حضورآ يميزني على كل الملا
لبيه يا اخر محطاتي ويا اول مبتداي
لبيه يا طيفآ يسليني ولو انا في الخلا
لبيه يا دمعة فرح عيني ويا بسمة شفاي
لبيه يا الحشمه ويا الطيبه ويا كل الغلا
لبيه يا طاري القصيد اللي يليق بمستواي
حاولت يسلا خاطر الشاعر وعيا ما سلا
تعال يمي والمشاعر نهر يجري في خفاي
يا آرويك من فيض المشاعر كلها والا فلا
يا احلى ترانيم القصيد ان كان حبي لك خطاي
اجمل خطا لو كان سهمه صابني في مقتلا
اعيش عمري بين حبي لك وعشقي وانتماي
وما بين توثيق العهود وبين تجديد الولا |