ياصاحبي صديت والقلب مشتاق =مدري غلى ولاتبيها قطيعه
خطيتك بانت كما ضوح الاشفاق= مثل الذي جنب طريق الشريعه
كذا بليا ذنب ترمي بلشواق =ياغايةٌ المعلوق ويضا ربيعه
بينت لك حبً تمكن بلعماق =وسكرت بابً للعواذل تذيعه
ولك سقت رجلً يم غيرك ماتنساق=وركيت نارنً وصط قلبي شنيعه
ومشيت دربً للمحبين مالااق =طبيعةً ياشينها من طبيعه
ياما نويت البعد وخترت الافراق =لاكن هني من كان قلبه يطيعه
واليوم بانت غربتك وصط الاحداق =رٌوح ونا نفسي تراها رفيعه
لوتعتذر يازين وتقول عشاق =مرفوض وحتى القلب مايصتطيعه
سمحت لك مرات يوم انت تنطاق =ولاخير في خلً يزيد الوجيعه
ونا ادري ان قلبك على صار خفاق = لكن غرورك صرت عنده وديعه
الحب له ناسً تصونه بميثاق= ولاينطبق للي سواتك يبيعه
فلا تحسب اني للمقفين لحاق= والله ماهين النفس ورضه وسيعه
لاشفت درب العشق بايق وبواق = جنبت عن دربه وسكرت ريعه
والحر لايهضم ولاهوب ينعاق = يحشم ولا يرضا تجيه الهزيعه