السلام عليكم ورحمه الله
اليوم اطرح لكم هذي الابيات رغم انها طويله شوي لاكن اعجبتني كثير
/
الصحـيب الـي تباطـا ولامنـه اتصـال
غالـين واقـول لامـن لفي عـذره مـعه
المفـارق راضـين به ولكن به سـؤال
وشهو الي مبعـده وشهو الي طمعـه
ماذكرت اني مقـصر ولا منـي خمـال
وكان جاه قصور مني فعـذري يتـبعه
طـول الغيـبات ويـن الغنايم والـحلال
لاحـــلا ولاغنـايــم ووصـله يقـطـعـه
علـموه ان المفـارق مع سـود الليـال
تقتل الشـخص المعني وقلبه تـمزعه
الحـجر لوه يحـس بفؤادي كـان قـال
انزعـه حبن يلوعـك ويشقـيك انزعه
شوق قلبي والمفارق علي متني ثقال
فـي زمـان من وفـى فيـه وقته ظيــعه
المولع لاتضـايق وحس اللـيل طـال
جر له صوتن عطيب الاذاني يسمعه
كان وصلك يابعد قلب من حبك محال
لي قلبن ويش اسوي لـيـا جيت اقنعه
كـل مـاقــلنا نوينا علي شــد الرحــال
صحصح الجرح المضمد عليه ولوعه
ويش اسوي دام حملي ثقيل ومايشال
شخص ماهمه... ولكن زمـانه طـوعه
كل ماقلت( اتناساه) يطريلي مقـــــال
كل شخص يروح راضي رضاه يرجعه
:
:
::
للشاعر..{ علي الزعبي ان شالله تنال اعجاكم وتستمتعون فيها والي تعجبه يقيم والي ماعجبته يشرفني بردهـ 
.. تحياتي لكم .. 