13-06-2011, 06:41 AM
|
| |
كنت اظني نسيتك واثر ظني يخيب
تبرد الشمس وتغيب ويعم الظلام
. . . . . ويشرق الشوق في صدري على ارض الحبيب
واحجب الحزن عن قلبي بقل الكلام
. . . . . . . . . واذكر اللي مضى لي بكل عشق وطيب
ياحبيب الليالي .. لك كثير السلام
. . . . . . . . . ذا محلك .. محلك .. يالبعيد القريب
هجرك اليوم ما بقى بقلبي ملام
. . . . . . . . . ما الومك .. ولا ألوم الهوى والنصيب
طرت من بين كفي مع نسيم الغرام
. . . . . . . . . وما لحقت امسك الا عبرتي والنحيب
غيّبك عن عيوني دمعتين وغمام
. . . . . . . . . مااشوف الملا حولي وكني غريب
أتحرى رجوعك منتظر فالزحام
. . . . . . . . . وراح عمري ولا احس ان غيرك يغيب
... صاين عهدنا اللي كان من كم عام
. . . . . . . . . شايل جرحك بصدري عسى ما يطيب
جرحك اللي الا طرّوك شق اللثام
. . . . . . . . . يشتعل لا انتثر من سيرتك ريح طيب
ينتشي بي حنين وشوق لك وابتسام
. . . . . . . . . كنت اظني نسيتك .. واثر ظني يخيب !
ياحبيبي عسى بعدي جروحك تنام !
. . . . . . . . . عل لا هل حزني ينطفي بك لهيب !
عل لا جيت في بالك في ليلة عتام
. . . . . . . . . تذكر اللي مضى لي .. بكل عشق وطيب
ممــاراق لــي
توقيع : الدانه 33
  ياصاحبي وإن زاد ظلـم المخاليـق لاتحسب إن الله عن الخلق سالـي | |