مجالس الرويضة لكل العرب - عرض مشاركة واحدة - UEFA Champions League: Semi-Final

#5 (**permalink**) 27-04-2011, 04:53 PM

بهالسيزون 2010 -2011
كانت احصائيات الفريقين بالأدوار السابقه كالتالي:

مثل ماهو واضح بالإحصائية اللى فوق
الفريقين متقاربين ومتشابهين بكل شيء ..
كلاهما يعتنق العقيدة الهجوميه واللعب الجميل
شفنا هالشيء ثابت فيهم سواءً بالدوري او بالأبطال
الريال مثلاً لعب بالمجموعة الحديدية وكان سجله التسجيلي رائع جداً ..
والبرسا نفس الكلام ..
لكن العقيدة الهجوميه ذي تختلف تماماً يوم يلعبون الفريقين مع بعض ..
الإثنين يلعبون بهالعقيدة لكن الفلسفه الخاصه لهالعقيدة تختلف من مدريد للبرسا ..
اختلاف هالفلسفة هو اللى يجعل مباريات هالفريقين مختلفه عن باقي مبارياتهم ..
برشلونه يعتمد على التمريرات المكثفه وعلى تدوير الكرة بين اللاعبين بحيث ان الكورة هي اللى تبحث عن اللاعب ومن خلال الضغط الكبير " المُرهِق "
للخصم بنص ملعبه يقدر يفلت واحد من اللاعبين ويسجل هدف ..
مدريد .. لا .. لعب سريع وتحركات كبيرة من اللاعبين بحيث يفتحون ثغرة ويسجلون هدف ..
هالإختلاف بالفلسفة العقديه ما كان جديد ..
ذي فلسفة برشلونه من زمان بينما الريال ومع تغيير المدربين المستمر مر بأكثر من فلسفه .. مابين هجوميه ودفاعيه
لكن اللى خلاّ فلسفة برشلونه تصير مرعبه لبقية الأنديه هو نوعية اللاعبين اللى عند برشلونه الآن ..
تشافي لو ترمي له الكورة يوم الجمعه بوسط ميدان التحرير وتقول له يالله ناول الكورة راح تكون نسبة التمرير الصحيح 99% ( يآلبيه يً اسطوره

) ..
مباراة الدوري الأولى كانت اختبار حقيقي لمورينيو ..
قبل المباراة جات اخبار ان مورينيو يفكر بثلاث محاور ، قبل المباراه غيّر رايه .. لعب بمحورين وانصك بنتيجة قاسيه
والعيال هنا ما قصرو سموه سبشل فايف

على العموم نسولف شوي عن مدريد وعن برشلونه

الشيء الإضافي اللى يميز عقيدة برشلونه الهجوميه مع التمريرات المكثفه وايجادة ثغرة للعبور هو مرونة تكتيكهم وتأقلم اللاعبين الكبير عليها ..
بحالة الهجوم برشلونه ماهو مثل ريال مدريد احد اظهرته يتقدم والثاني ثابت .. لا ..

في حالة الهجمه نشوف الاظهره يتقدمون كلهم على اساس يعملون كماشة للخصم ويعطون الإضافة العددية اللازمه
وبنفس اللحظة ينزل بسكوته للعمق على عشان يكون مدافع ثالث ..
ميزة هالشيء انه يضيف للاعبي الوسط " انييستا / تشافي " دعم جديد وتوسيع للأسلوب الهجومي بدل ماهو كان من العمق ..
لا .. تنضاف لهم الأطراف ..
وتخف الرقابه على " بيدرو / فيا " فيصير ظهير الخصم ماهو عارف يراقب بيدرو او فجأة يلقى نفسه بمواجهة الفيس ويكتشف ان بيدرو نزل للعمق ..
فوق كذا هالشيء يسهل للاعبي برشلونه السيطرة وتكثيف التمريرات مع ضمان انهم قلصو من الفراغات خلفهم ..
لذلك عقيدة برشلونه الضغط على الخصم وتكثيف التمريرات للأمام لكن اذا لقيو مافي مساحات بالأمام
فيبدئون بالتمرير للخلف بكثرة على اساس يسحبون الخصم شوي وتنفتح لهم فراغات

مركز ميسي " مهاجم كاذب " هو اكبر مشكله لأي فريق يقابله برشلونه
لأن ميسي بالأساس ماهو مهاجم صريح .. هو ينزل للعمق بعيد عن قلوب الدفاع اللى المفترض هم اللى يمسكونه
وخلف المحاور اللى بالأساس يحاولون يضغطون صناع اللعب والأظهره ..
فبالتالي لو قلب الدفاع حاول يمسك ميسي ويتقدم للأمام هو راح يترك ثغرة بالخلف راح يستفيد منها فيا او بيدرو ..
وان قلب الدفاع ما تقدم عشان يمسك ميسي هالشيء راح يسهّل لصناع اللعب الخارقين " انييستا / تشافي "
انهم يمررون لميسي اللى يكون بعيد عن المراقبه وفجأة ينتبه المدافعين ان ميسي معه الكوره وبالتالي راح يرتبكون
وبمجرد ما يحاول احدهم يغطيه راح يتسبب بوجود ثغره تسمح لميسي يستفيد منها
اما يمرر او يسجل ولهالسبب يوم تناظر لأرقام ميسي تهديفياً او كصناعة لعب راح تلقاها ارقام " مخيفه "
ما راح يجيبها إلا شخص بعبقرية ميسي ..
لهالسبب نشوف البرسا يعاني لو لعب بوجان بهالمركز لأنه مايقدر يسوي ولا 1% من اللى يسويه ميسي بهالمركز !