23-04-2011, 10:00 PM
|
| |
جيت المكان اللي بوسطه تربيت ...
السلام عليكم ورحمة الله وبركاته
:
:
][جيت المكان اللي بوسطه تربيت // بيت قديم مأسسينه من الطين][
جيت المكان اللي بوسطه تربيت
بيت قديم مأسسينه من الطين
بأطراف ذاك البيت بالفكر سجيت
ذكرت وقت ماضي لي من سنين
قمت أنثر العبرة من الدمع هليت
ضيقة بصدري رافقت دمعة العين
تبقى بك الذكرى ولو رحت واقفيت
ابكي على الاطلال لو ما بقى شين
باقي بك أشياء ذكرتني وحنيت
الزير وفراشي وبعض المواعين
واذكر سراج كان يضوي لنا البيت
على سنا ضوه نلف الميادين
ياكم ليلة عشت فيك وتهنيت
ياكم مضى لي بك من العسر واللين
يا بيت ياللي في خفوقي تعليت
اليوم باركانك تنام الثعابين
ليتني أعيد اللي مضى واسكنك ليت
لولا الظروف وقسوة الوقت هالحين
ما أنساك مهما غير اليوم سويت
مهما ملكت من الفلل والملايين
 هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 700x525 الابعاد 73KB.
الله يا وقت ٍ مضى ليته اليوم ,, ليت العصور اللي مضن يرجعني |