25-03-2011, 02:56 AM
|
| |
ليه ... المشاعر .... بالمحاجر .... يتيمة ... ؟
ليـه المشاعـر بالمحاجـر يتيمـه حزن أو فرح تنزل على هيئة دموع وليه الوفـا كنّـه بيصبـح جريمـه ومن المصالح قالوا إن الوفـا نـوع وليه الجروح مـن المفـارق أليمـه ويبين وجه الّلي مفارق و مفجـوع كلّه مـن أسبـاب القلـوب اللئيمـه اللي على درب الغلا تـزرع الـرَّوع بخـلان الأيـدي بالظلايـم كريمـه وتشوّه الواقع بـلا عـذر مشـروع يا هيـه ياذيـك السّنيـن القديمـه وجدي على طيّ الزمن يمّك رجـوع أيامهـا للحـبّ معـنـى و قيـمـه فيها الغلا ما حطّمه غـدر وخـدوع قلوبنـا بأنقـى المشاعـر سليمـه لو إنّها من لذّة الوصل فـي جـوع فرسـان حـبّ ولا جذبنـا غنيمـه من غير غدر و بوق والراس مرفوع على النّقى من غير ظلـم وظليمـه و على يقين الظلم لابـدّ لـه بـوع يغري مشاعرنـا هبـوب ٍ وغيمـه وش عاد لوّ الخير يا غيـم متبـوع هذيـك لـذّات ٍ بقلـبـي مقيـمـه تلوعنـي كـل مـا تذكّرتهـا لـوع ما ألـوم دمعـات ٍ بموقـي يتيمـه حزن أو فرح تنزل على هيئة دموع |