21-03-2011, 11:18 AM
|
| |
من يشبهك
صدق اربعين من الشبه يخلق الله
إلا أنت واحد دون تسع وثلاثين
من يشبهك يامالك الحسن كله
من يشبهك ياسيد كل المزايين
يابو رموش فوق خدك مظله
عقبك غدوا كل المزايين مساكين
دقه في غيرك وأنت ماخذه جله
عليك ماشاء الله لا تصيبك العين
قلبي حلالك املكه واستحله
حلالك لحالك ولا فيه ثانين
اقسى القلوب ايلين شافك تتله
ينسى القساوه ياهوى القلب ويلين
الهرج عنك ان طال والله ما مله
مامل لو سولفت أنا عنك سنين
واحد وطير خافقي من محله
وشلون اجل لو فيه تسع وثلاثين
طلال الرشيد
|