ياليت قلبي يـوم صديـت خـلاك ..
وياليت لو انـه سمـع ماعصانـي ..
يومي أقول ارفق حبيبـك تناسـاك ..
ويقـول ماظنـي حبيبـي نسانـي ..
يقول أنا احبـك وماظنـي اجفـاك ..
تبقى حبيبي لـو يطـول الزمانـي ..
واليـوم ياقلبـي حبيبـك تحـداك ..
رحل واخذ معـاه حلـو الأمانـي ..
وينه يقول اللي تبـي جـد يفـداك ..
يفدا مواطي رِجْل شخصٍ سبانـي ..
هذا الكلام اللـي يقولـه اليا جـاك ..
وأنا أدري انـه هرجـةٍ باللسانـي ..
ودي أنا أعرف ياقليبي وش أعطاك ..
يومك تحبـه لَيْـن حـد الجنانـي ..
ياما نصحتك قلت هـذا أخـو ذاك ..
والله مايستاهـل انــك تعـانـي ..
والحين يـوم الهـم كلـه تغشـاك ..
تجي تشَكَّى جور صافـي الثمانـي ..
تتذكر أيامن مضت كنـت ويـاك ..
وشلون حالك كيف راضي وهانـي ..
من قبل مافي حبـه اللـي تبـلاك ..
ومن قبل ماتنساق خلـف الغوانـي ..
واليوم همـك بايـنٍ فـي محيـاك ..
شف حالتك أصبحت ياكـود فانـي ..
المشكلـه ياقلبـي بكـل ماجـاك ..
أحس به واليـوم أشوفـه / وطانـي ..
جرحي ترى جرحين ماظن يخفاك ..
ومـا أقـول الا يالله المستعـانـي ..
لكن أبطلب ياقليبـي وانـا افـداك ..
تكفى أبي ماتعشـق اليـوم ثانـي ..
مما رآق لــي ..