مجالس الرويضة لكل العرب - عرض مشاركة واحدة

#1 (**permalink**) 28-04-2007, 10:03 PM

السلام عليكم ورحمة الله وبركاته

----------------------------------------------

انا ادري انها قاسيـه مـا تخليــــك *** قالت عجـوزك مـا ابيهـا معايـه

خليتني وسط المصحه وانا ارجيك***هذا جزا المعروف وهـذا جزايـه

+++++++++++++++ ++++++++++++++

هذي قصيدة لوالدة ((عاق)) كبيرة في السن
تركها ولدها بالمصحة وماشافت وجهه ثلاث سنين
**
والله القصيدة محزنه

اترككم مع الابيات:

وين انت يا حمدان امـك تناديـك***وراك مـا تسمـع شكايـا وندايـه

يا مسندي قلبي على الدوم يطريـك***ما غبت عن عيني وطيفك سمايـه

هذي ثلاث سنين والعيـن تبكيـك***ما شفت زولك زايـر يـا ضنايـه

تذكر حياتي يـوم اشيلـك واداريك***والاع بـك دايـم وتمشـي ورايه

ترقد على صوتي وحضني يدفيـك***ما غيرك احدٍ ساكن فـي حشايـه

واليا مرضت اسهر بقربك واداريك***ما ذوق طعم النوم صبـح ومسايـه

ياما عطيتك من حنانـي وبعطيـك***تكبـر وتكبـر بالأمـل يـا منايـه

لكن خساره بعتني اليـوم وشفيـك***واخلصت للزوجه وانا لي شقايـه

انا ادري انها قاسيـه مـا تخليـك***قالت عجـوزك مـا ابيهـا معايـه

خليتني وسط المصحه وانا ارجيك***هذا جزا المعروف وهـذا جزايـه

يـا ليتنـي خدامـة بيـن اياديـك***من شان اشوفك كل يوم برضايـه

مشكور يا ولدي وتشكر مساعيـك***وادعـ ي لـك الله دايـم بالهدايـه

حمدان يا حمـدان امـك توصيـك***اخاف من تلحق تشـوف الوصايـه

اوصيت دكتور المصحه بيعطيـك***رسالت ـي واحروفهـا مـن بكايـه

وان مت لا تبخل علـي بدعاويـك***واطل ب لي الغفران وهـذا رجايــه

وامطر تراب القبر بدموع عينيـك***ما عـاد ينفعـك النـدم والنعايـه

منقول