31-10-2006, 02:57 PM
|
| |
من قصائده:
هذه الأبيات من عرض قصيدة طويلة في مدح قبيلته قالها وهو في شبابه:
ولا نيب لأفعال المناعيـر جحـاد
ربعي سهـول يخلصّـون النشايـب
تاريخهم معروف طولات وأمجـاد
والله ما يرضـون جـور وغلايـب
يا الله بنـو ٍ فيـه بـارق ورعـاد
عقـب الريـاح العاتيـة والهبايـب
يضفي على دارٍ بها عاش الأجـداد
في العرض والعارض أخوان وقرايب
جنود لآل سعود في سلـم وجهـاد
أهل ولا وإخـلاص شبـلٍ وشايـب
والموت ماهو عند مبغض وحسـاد
والرزق من جزل العطاء والوهايـب
وبعض العرب متغطرس وعلة أكباد
ما هو أمير ولا على النـاس نايـب
مرثيته في أبن لحيان
وقال عام 1413هـ هذه المرثية في أحد المقربين إليه وهو الشيخ وبدان بن لحيان البرازي السهلي:
مرحوم يـا شيـخ وفاتـه خسـارة
وبدان بن لحيـان شيـخ البـرازات
عز الرفيق ولا شكـا منـه جـاره
دمــاح زلاتٍ ونـطـاح قــالات
عساه في روضٍ تكاشـف أنـواره
عقب الحياة وعقب فرقـا القرابـات
اللي جمع مع طيـب فعلـه وقـاره
الله يغفـر لـه جميـع الخطـيـات
بيت الشرف والعز شيخـة وإمـارة
وربعه هل الطولات في كل الأوقـات
جده خزيـم يـوم كـون العمـارة
يـم السمـاوة والديـار البعـيـدات
ذبح كبير القوم فـي خشـم قـاره
يشهد له التاريخ من عقـب الأمـوات
مـع بنـي عـمٍ سـواة النـمـاره
سهول ولهم مع هـل العـز وقفـات
في العرض والعارض ونجد و فقاره
ولهم على عوج السماحيـق عـادات
اللي مع آل سعود في كـل غـاره
خدامهـم وجنودهـم فـي المهمـات
وصلاة ربي عد ما أشـرق نهـاره
على النبي وعـداد وبـل الثقيـلات
الله يعز الفهد حماي قالاته
مما قاله الشاعر: عبد الله بن سيف السهلي قالها في حرب الخليج الثانية ونشرت في الإذاعة والتلفزيون والصحافة:
الله يعـز الفهـد حمـاي قالاتـه
حامي حمى الدين والعدوان يكبتهـا
العز والطيب من طبعه وعاداتـه
حلال عسر المشاكل وقـت شدتهـا
ويعيش عبد الله اللي عند حزاتـه
ذخر العروبة إليا كبـرت مصيبتهـا
وسلطان الأبلج تشوق العين هداته
في ساحة الحرب لا قامت قيامتهـا
واليا أصدر القايد الرايد قراراتـه
نـدوس قـومٍ تورينـا عداوتـهـا
صدام كل العرب تـدرى بسياتـه
وحربه مع الفرس ياما أكبر خسارتها
عقب الصلف خاضعٍ لإيران وآياته
خساستـه للعـرب والعالـم أثبتهـا
هذا زمانٍ على العربـان ميلاتـه
كشف لنا الله هل الخونـة وشلتهـا
صدام يرشى كلاب سوت سواتـه
خمسة خنازيـر والمعبـود شتتهـا
كلٍ من الأربعـة ينشـر دعاياتـه
وأهل الخيانة كشف حسني حقيقتهـا
أثره لكل اليهود يوسـط أخواتـه
يا ويل راع الخيانـة مـن نهايتهـا
وجلب على شعبه المغلوب ويلاته
خان العروبة وقصد النـذل نكبتهـا
يا ويل صدام من غـدره و نياتـه
كل الدول جهزت للحـرب قوتهـا
الدولة اللي تمـده حـزة أزماتـه
بالليل الأسود خسيس الفعل باغتهـا
ما ينفع الطاغي الباغي خرافاتـه
اليا أفرغت سابقات الصوت حملتها
الحرب والضرب تخلف كل هقواته
وتروح بغـداد والبصـرة بسبتهـا
وأن ما سحب طاغية تكريت قواته
والاترى الحرب هذا وقـت حزتهـا
والحرب جبنـا برغبتنـا معداتـه
بأمر الفهد تحفـظ الأمـة كرامتهـا
ويعود شعب الكويت لسابق أوقاته
وآل الصباح الكرام تعـود دولتهـا
عاش الفهد والعرب تدرى بوقفاته
وبلادنا مـا أحـدٍ ياطـأ مهابتهـا
دعوة لأهل الشعر الشعبي
قال رحمه الله بعدما كثر مدعي الشعر في كل مكان معبراً عن ذلك الواقع المؤسف:
الشعر كنزٍ في صدور الصناديـد
ناسٍ تجيـد الشعـر وتبعـد الرمـس
والشعر له هاوي وراوي وله عيد
ما هوب شعر اللي طمس رونقه طمس
والشعر يقنص له كما يقنص الصيد
وناسٍ تحب البن ما تعـرف الحمـس
ويرددونه بعض الأجواد تـرد يـد
درس أمس واللي قبله وقبل قبل أمس
وأكثر مجلاته تقلـد علـى الغيـد
سوالفٍ ما تنفـع الضـرم والعمـس
وشعر الجزالة للرجـال الأماجيـد
ما يقدره سـارق ولا يقـدره نمـس
وأهل الحداثة والميوعـة ملابيـد
الله يكنسهـم عـن المجتمـع كنـس
وبعض البرامج جاملت زيد وعبيد
مقطع الأربـع مـع مقطـع الخمـس
أحـدٍ يخلونـه يجـدد مواعـيـد
وأحدٍ يمرونه على الجيـب والجمـس
وأستثني الطيب ولا فيـه تحديـد
يفدونه أهل الهمس والربـع والخمـس
ويا أعلامنا الشعبي نبي منك تجديد
وش فايدتنا من هل الهلـس واللمـس
يا أهل الوشاية والحسد فالكم شين
قال الشاعر عبد الله بن سيف رحمة الله في أهل الحسد:
يا
أهل الوشاية والحسد فالكـم شيـن
يـا مولعيـن النـار بيـن الأحبـة
بكرة عليكم يردم اللبـن والطيـن
وكلٍ يواجه مـا عمـل عنـد ربـه
ناسٍ مع النعمة أنجوس وشياطيـن
اللـي مـن الحبـة يسـوون قبـه
يا الله عساهم من وراء الهند والصين
والزيت فـوق النـار كـلٍ يصبـه
واللي رزقه الله عقـار وملاييـن
فضـلٍ مـن الله والخلائـق تحبـه
وأهل الكرم والعقل والسمت والدين
مـا يلحـق الأخبـار ذم ومسـبـه
الله يرفـع قدرهـم قولـوا آميـن
آهل الشرف والطيب في كـل نبـه
جمال التخوت مرجحين الموازين
يفداهم اللـي فـي مطوعـة اجلبـه
والمودمي من دون توفيق مسكين
لو زاد حرصه ضاعت أفكار طبـه
من محاوراته:مع أحمد الناصر عام 1401هـ
عــبــد الله بــــن ســيـــف:
أحمد هنيـا وحنـا عنـد ربـعٍ قـروم
والبيـع والمشتـرى للتاجـر اللـي ملًّـي
أنت المعلم وبـه نـاس تعـرف العلـوم
لا شك الأجواد تبغـى كـل رجـلٍ شلـي
أحـــمــــد الــنـــاصـــر:
لعـل حظـي وحظـك بالمغنـي يقـوم
وترى جهينـة قريـب حقهـا مـن بلـي
أوى ضابـط كبيـر ولا بكتفـه نجـوم
ماكنـه إلا مـع العالـم محـمـد عـلـي
عــبــد الله بــــن ســيـــف:
الحظ قايم وسولـف يـا قـوي العـزوم
والحنبلـي مـا يغـره مذهـب الحنبـلـي
هاك السوالف يا بوناصر سـواة الحلـوم
صارت لهم عليهـم سحيلـة والله المعتلـي
أحـــمــــد الــنـــاصـــر:
أن كان منتب مضًّرا في بـراد وسمـوم
أشوف رأسك يبـا الطـولات يـا لعبدلـي
يا كثر يا كثر مـا شفنـا طيـورٍ تحـوم
اللي علـى داركـم واللـي بديـرة هلـي
عــبــد الله بــــن ســيـــف:
المشكلة صار قلبـك يابوناصـر رحـوم
بعض الرياجيل ذبحه مثـل ذبحـة طلـي
يا أهل الوفا والشرف وأهل الفخر والسلوم
قولوا لها الرجل يطلا كل مخطـي طلـي
أحـــمــــد الــنـــاصـــر:
بعض العرب لو تحزم ما يسـد اللـزوم
غديت مثل المصيًّـح وسـط جـوٍ خلـي
أصبح بعير الظهر يـا مسلميـن معـدوم
كم جيب فاضي وكم جيبٍ يجـي ممتلـي
مع صياف الحربي في الجنادرية
هذه المحاورة جرت عام 1409هـ في الجنادرية بين الشاعرين: صياف الحربي وعبد الله بن سيف السهلي:
صياف الحربي:
أسمعوا مني وأنا با أتجـرا
والكلام الزين يعرف مجالـه
الرعود تـدن والبـرق سّـرا
كل شادي يلتفت في حلالـه
عـبـد الله بــن سـيـف:
أنت يا صياف رجل مضرَّا
بالمعرفة والوفـاء والشكالـه
والعرب ما هيب يالقرم برّا
داخل الديـرة وكلـن وفالـه
صـيــاف الـحـربــي:
أكثر العربـان مـا ينتـزرّا
يطرح المشلح ويقعـد لحالـه
عندنا لك سالفة وش تـوّرا
من قرا عنوانها طـاب فالـه
عـبـد الله بــن سـيـف:
واقفين معك خيرن وشـرَّا
وحاله اللي ينقل الزود حالـه
واقفن معك أستمع وأتحَّـرا
والزعل والضيق نترك مجاله
صـيــاف الـحـربــي:
الردي مع كل مسرى يسرّا
والكريم يصب لي من دلالـه
لو بغيت الد لـك وأتـزرا
ما علي من البعيـر وعقالـه
عـبـد الله بــن سـيـف:
لو يجي يالقرم فرن وكـراً
الجمل لو زوَّد الحمـل شالـه
لا تزرا والعرب مـا تبـرا
نجد يا صياف ما أكبر جباله
صـيــاف الـحـربــي:
أن تهيت لك مرايـة تمـرا
ثم طش الثوب والبس بدالـه
القشر والسحر في راس غرّا
خلت الجمال يفـدي جمالـه
عـبـد الله بــن سـيـف:
الحريبي ضاق صدره وفرا
زل وقت الحقد هو والجهالـه
العرب يالقرم سـراّ وقـرّا
طاريٍ للناس شي طرى لـه
مع زيد بن سلمي في الجنادرية
محاورة مع الشاعر زيد بن سلمي المطيري:
زيـد بـن سلمـي العضيلـة:
بعد جيت يا أبن سيف حيـاك
علومك بعـد مـا جيـت إلنّـا
على البال والله مـا نسينـاك
ولا نسـاك لـو تغيـب عـنَّـا
عـبـد الله بــن سـيــف:
تعيش وعسانا نكسب رضـاك
وأهلكـم رفاقـة هـم وأهلـنـا
وسبحـان ربٍ دار الأفــلاك
وجـاك الخبـر يـا زيـد منـا
زيـد بـن سلمـي العضيلـة:
تزين الدعـاوي لـن قربنـاك
وجـاء للمهـنّـا مــا تمـنّـا
أنا ما أترك الذيـب يتعشـاك
وأبا اخلط ضعنكم مـع ضعنـا
عـبـد الله بــن سـيــف:
مهنا ولـد عمـي ولا أشنـاك
وحنـا رجـال الحـرب حنّـا
عسى أبليس يا رجال ما أغواك
نـرد المعـادي عـن وطـنّـا
زيـــد بـــن سـلـمـي:
ما أذم السهـول ولا ظلمنـاك
ويبيـن الخبـر منكـم ومـنّـا
يا راع المثايل ويش طريـاك
علامـك تلاحـم يـا جملـنـا
وهــي مـحـاورة طويـلـة
مع الشاعر بكر الحضرمي
عــبــد الله بــــن ســيـــف:
ليلة الشوق هـذي مـن خيـار الليالـي
يا بكر شـد حيلـك وأطلـب الله يعينـك
ما يشيل الحمـول إلا ظهـور الجمالـي
وخلهـا يـا سفيـر القـوم بينـي وبينـك
بـــكــــر الـحــضــرمــي:
ليلة الشـوق هـذي بيـن مـروٍ حالـي
وأنت قابض يدينك وش معك فـي يدينـك
بعد دارت عليكـم مثـل درج المحالـي
لا تناظر فـي مسقـل ثـم تشـر بعينـك
عــبــد الله بــــن ســيـــف:
عندي الموت الأحمر وأنت يصلاك صالي
صاحبـك عـام الأول وده يسـد عينـك
ليـت دمـك خفيـف مثـل دم الغزالـي
وأنت يا شعيل ولد شعيـل نسمـع حنينـك
محاورة مع شاعر قحطان فهد المحيشير رحمه الله
عــبـــد الله بـــــن ســيـــف:
بعد ربي جمعنا وأجتمعنا يـا أهـل العـادات
سلامي عد ما هل المطر مـن غـر الأمزانـي
أشوف سهيل بعيوني ولا هم العرب مـا فـات
ولا يأبـو محمـد جرهـا يـا طيـر حورانـي
فــــهــــد الـمـحـيــشــيـ ـر:
بعد ما أوحيت عبد الله يجر الصوت بالأبيـات
هـلا ترحيبـة فيهـا ثمـر وردن وريحـانـي
اليا طبيت وسط السوق ما أشريها بعنز وشـات
وأسعر فالذهـب لا ركـدوا لـه كـل ميزانـي
عــبـــد الله بـــــن ســيـــف:
ليا جانا الخبر من يمكم قلنـا أبـرك الحـزات
وأنا ما باشكي عليك الحال من حامد وحمدانـي
أنا قلبي دليلي وأعـرف الروحـات والجيـات
وأبزهم صاحبـي ليـاه بيـن الربـع يقصانـي
فــــهـــــد الـمــحــشــيــ ر:
معزبنا من اللـي يكسبـون الفـود والطـالات
وأنا وياك عنـده بنصيـر أصحـاب وأخوانـي
حضرنا من غلاه وحشمته نمشي على السمحات
ولا حنا بمـن يدهـا البـري ويقطـع العانـي
رحمه الله رحمة واسعه وادخله فسيح جناته
منقول |