مساجله بين الشاعر: ابن دايل ((وهو ماورد لنا بهذا الاسم)) وبين :محمد بن مطلق الفطيماني
يقول أبو دايل ترى العين حايله=عن نومها والهم أركز حبايله
مصايب الدنيا تعالت فروعها= وغصون حظي دايم الدوم ما يله
مامن مجيب لصيحتي كود ترديدها=حتى صدى صوتي فلانيب طايله
حالي تدانى من عناها عودا= والد الصب ماعاد قلبي يتخايله
لكن على ماقيل شكوى لله = الواحد المعبود يسمع نداي له
ومحمد مشكاى بأول وتالي = ابو مطلق والله مانسى جمايله
أشكى عليك الهم والغم والعناء=وأشكي شديد الضيق بالصدر شايله
كل على درب الهواجيس حدني=ربعي وناسي والزمان بفعايله
في حلكة الظلماء تداريت عبرتي= وكفكفت دمعات" على الخد سايله
ماهوب ياس مير كثرة مصايبه=صارت تعج بنارها في دخايله
أشكي انا ياشيخ من زايد القهر=وأشكي ظروف الوقت أقسى نكايله
وأرجي العذر يالقرم لاهان شخصكم =شخصك عزيز وزود بأثني رجايله
أقولها والعين ياشيخ توها= عن لذة المرقاد لاشك حايله
محمد المطلق رحمه الله:
يامرحبا بالخط ترحيب مخلص=ترحيبة ذوب العسل من زلايله
ترحيبتن فيها على الزين ميزه=تفوق معيار المقاييس هايله
يجرها سلك المحبه وتنجذب=من غاية الصفطان جات متهايله
لك يارفيق الصدق والعز والوفاء=اللي شكيت الضيق وأعظم عظايله
أنا رفيق لك على كل شده =فالموقف اللي يرهقنك هوايله
هذا وأنا يالقرم شايف وعايف= أشوف وقتن شايناتن دغايله
وقت على الطيب يجي فيه ميله=يشن غارات كبار وهايله
عساك من سوه بعيد معافا=ابجاه من نرجي عطاه وفضايله
ومن عقب ذا خذ يانديبي رسالتي=اخذ الكلام اللي كتبته وقايله
وده لمن سوى البيوت الغرايب=اللي حثل صاف المثل من حثايله
وده لبو دايل وقله تراني=له مسند" في الضيق وأيضاشكايله
يامر وأنا له مستعد وحاضر=أفديه في نفسي وأبين فدايله
لي الشرف في خدمته مع لزومه= افي مع اللي وافياتن خصايله
قلته وانا له صادق في كلامي=والصدق دايم يثبتنه دلايله
وختامها اللي شكا لي ظروفه=مني مرد القاف تافي مكايله
قصيده موجهه للشاعر/ محمد بن مطلق الفطيماني رحمه الله
يقول الشاعر :
سر ياقلم وأكتب علوم وكايد=أكتب بيوت" بالمعاني لها ذوق
ثم أخبر اللي بالمواقيف رايد=ابن حشر طيبه مع الناس مفروق
وهو رفيق الجود راع العوايد=ريف الحزين اللي من الوقت محروق
رجل" حياته كلبوها فوايد=يعرف حقوق الغير وللحق محقوق
هو مسندي والله وللجود صايد=مشكاي وقت الضيق عن كل مخلوق
لاشك انا محتار والبعد كايد =وزود الظروف اللي على الراس من فوق
يامحمد" والله وقتي شدايد=أسهر من اللوعات ماغمض الموق
والحيل مني يافتى الجود بايد=وقلب الحزن من بين الاضلاع مدقوق
في موقع" ياعنك مانيب فايد=بين اربعة جدران والحال مدقوق
هذا كلام اللي همومه سرايد=وضح لكم خافيه والوقت ملحوق
قصيده للشاعر / محمد بن مطلق الفطيماني رحمه الله في السجن . يسندها لصديقه القوس من قبيلة عتيبه
أه وأعزاه يالقوس للي مثلنا =لابغاله لازمن عنه عداه الخفير
لاوقف له مثل يالقوس ماوقف لنا=ماينول اللي يبي لو شكاء عند المدير
مرجعه معطيه تصريح مايلطف لنا=لابغينا الحق يالقوس عنده مايصير
جعل ربي يالعتيبي يفرجها لنا=من محلنا شبرنا فيه يالغالي قصير
عقب مانامر على الشي ويحضر لنا =صار كل اللي نبي يالعتيبي جاء عسير
شف لنا يالقوس ماهو مناسب شف لنا=شف لنا يالقوس دبره ترى الموقف خطير
222222222222222 222222222222222
رد محمد الفطيماني
بديت باسم الله على كايد=اللي بخلق الخلق ماهوب مسبوق
اللي خلق خلق وجعل له عقايد=والرزق من بين المخاليق مسيوق
ومن عقب ذا من فوق بيض جدايد= بكتب على الصفحه مقاطيف واطروق
ردا" على من صاغ زين القصايد=كن العسل في رونق البيت مذلوق
قاف لقانا من وسيع البنايد=صفاه من يلعب على القوس بطروق
صاغ البيوت اللي بها لزين زايد =تشدا حليب اللي رعت كل زملوق
الزين يصدر منه ويجيه عايد=له ميزة" تفرق على كل منطوق
كل على درسه ينال الشهايد=يأخذ على قد التفوق من الذوق
اللي قضى وقته بهم وجهايد=تصفق به الدنيا على كل طاروق
قبله جرالي كل كود ومكايد=شربت انا الذرنوح والسم مسحوق
الحال كلت مابقاله شرايد =يطويه من كثر الدواكيك ساروق
راحت حياتي كلبوها نكايد= بيت النكد في بخشة الخط مطقوق
ذقنا بها الدنيا اهموم وزهايد=حاطت علينا في غثاها تقل طوق
عساه يجمعنا وكيد الوعايد=في موقع" عن رجة الخلق مرفوق
نمشي على شف النفوس السنايد = ونأخذ من اللي ترغب النفس دغروق
ونختار باللذات ماكان جايد=حتى نمتع به هوى النفس وتروق
وختامها لك يارفيق الشدايد=العنبر الاصلي مع العود مسيوق
هذه قصيده للشاعر/ سعد بن علوش القحطاني
موجهها للشاعر/ محمد بن مطلق الفطيماني
سلام يارجل لـه الطيـب عنـوان=سلام أحلى مـن حليـب الردومـي
وأحلى من السكر على شاي لبنـان=بتحيـة للقـرم ولــد القـرومـي
تنصا محمد ياعرب طير حـوران=حر" على الصيدات دايـم عزومـي
ويستاهل التقدير والطيـب زومـان=جعله مـع الايـام عمـره يدومـي
من لابت"يـوم الملاقـا لـه شـان=أسهول شجعـان أكعـام اللطومـي
من عقب ذا بشكي على ذرب الايمان=واعطيه موجز من خفايـا علومـي
جاري علي قصه وهـم وحرمـان=من عقبها ماذقـت يالقـرم نومـي
خلي ذبحني ذبح من غيـر برهـان=واونس بقلبي مثل حـر السمومـي
ابو عيـون كنهـا عيـن شيهـان=علق على قلبـي كثيـر الوسومـي
وحدتني الدنياء على جـاري كـان=وحسبي على ذا الوقت جاب الهمومي
وأشكي لابن حشر سلايل كحيـلان=رجـل شجـاع وفاهـم للسلومـي
أمجرب في الوقت ياذيب سرحـان=مجرب في الحب ضرب السهومـي
واصبحت انا فالحب تايه وغرقـان=ولاغير ابن حشر يسـد اللزومـي
وكتبت لك قاف ووضحت ماكـان=جعله يجيك ولايجـي فيـه لومـي
واقبل تحيه من سعد والف عرفـان=تحيـة لـك والجماعـه عمومـي
وتحيتـي ورد وكـادي وريحـان=لشخصك عدد مايطلعـن النجومـي
قلته وانا من لابـة العـز قحطـان=قول صحيح مادخـل بـه اثلومـي
والختـم صلـو عـد ماهـل ودان=على الرسول اعداد طيـر يحومـي
رد محمد الفطيماني
بديت بسم الله علـى كـل ماكـان=اللـي عيونـه ياقضـه ماتنومـي
اللي فرق في قدرته خلق الانسـان=وخلاه في زود الوقـار محشومـي
واضفا عليه الخير من غير نقصان=لطف به الي في عبـاده رحومـي
ومن عقب ذا بكتب مقاطيف قيفـان=ردن على المنعور هيف القحومـي
يامرحبا" بالخط ترحيب صفطـان=اللي لنـا خطـه مـرده لزومـي
ترحيبة" من خاطري شانهـا شـان=تنسـاق منـي للرفيـق وتقومـي
تشذ الذهب لانوعو فيـه مرجـان=صعبن على الشراي واللي يسومـي
واحلى من الصافي على كبد عطشان=في ساعة فيهـا البـراد معدومـي
بخط الرفيق اللي من الحب تعبـان=اللـي خذنـه رادعـات الوشومـي
اللي على منبـوز الارداف شفقـان=هايم ومن سبـة هـواه مهمومـي
خطو اطرقن عوده كما طرق لبـان=اوعود موزن من هوى النود يومي
غرون يخلي طـارد الغـي .......=من سبته يرقـا طويـل الرجومـي
كان ان حبه مشعل" نار الاحـزان=يسـوق لاهبهـا طلـوع هشومـي
فقدمك سلب عقلي هوا خدر الاعيان=عين العديم الـي تـرب الخشومـي
أمنولـن كنـا قرايـب وخــلان=واليـوم عنـه ارمسـن العلومـي
وابنشدك وينه اريش العين سكـان=حتـى نقـوم ونشتقـي باللزومـي
فان جات باللي ترغبـه ياكحيـلان=فأنا احمد اللي وصلـك ماترومـي
والانجيه ابقـوة اسنـان واعنـان=ونخلـي الدنيـا عليهـم تقـومـي
واليا تهيت غايتـك والهـوى زان=ماعاد لي في باقي الاشياء لزومـي
هذه القصيده للشاعر هادي بن حسين الخدري اليامي يمدح فيها محمد بن مطلق بن حشر الفطيماني وقصتها انه كلما طلع احد من معارف هادي اخذ يمدح ويثني على محمد ويذكر خصاله الحميده ونخوته العربيه الاصيله وفزعته مع كل من ينصاه
(فهاضت قريحته بهذه الابيات)
يابو علي وصل سلامـي لمنهـاه=للشيخ ابن مطلق كريم السبالـي
وصل سلامي شايع الصيت والجاه=قرم"شجاع"من خيـار الرجالـي
محمد اللي جعل الانـذال تفـداه=شيخ السهول مخضبين السلالـي
ابن منيعه جاب ذكـره وطريـاه=علم"يشرفنـي ونعـم المجـالـي
قالو ترى المضيوم لوجاه ينخـاه=يرخص بروحه دون مد الحلالـي
وقالو لي انه طيب"يذبـح الشـاه=لاجاو هشـال الخـلا مايمالـي
مادام ذا علمـه وفعلـه وممشـاه=الله يجيره مـن صـدوف الليالـي
وترسل له البيضاء مع كل من جاه=وترفع له الرايه بـروس العوالـي
ياسعد من هو له رفيقـن بدنيـاه=ياتي عضيدا له على كـل حالـي
ومن يقتدي بسهيل ماتاه مسـراه=ولايرتكي للحمل كود الجمالـي
يقوله ابن حسين يوم الخبر جـاه=يرسل سـلام باقي"لـه توالـي
سلام دهن العود الازرق تنشـاه=والذ وازكى من حليـب المتالـي
وقلته وانـا مـن لابة"بالملاقـاه=يامن هل الردات عنـد التوالـي
قلتـه ولالـي مطلبـن اترجـاه=حبيت انا رجل من الـذم خالـي
وصلو على اللي كلنا نتبع اخطاه=نبينا اللـي لـه تشـد الرحالـي
333333333333333 33333
هذا البيتين وجهها الشاعر: ناصر الشريف للشاعر محمد بن مطلق الفطيماني عندما اتاه يوم" من الايام وهو مستغرقا" فالتفكير
يقول الشريف
والله ماودي يبعدك طاري الهم=لكن أشوفك دايم الميـل يمـه
أنت المهم وباقي الناس ماهـم=عندي وكلن له رفيق" يهمـه
رد الفطيماني
قم قرب القرطاس يامسندي قـم=باكتب لابو شرفا ووديـه يمـه
ملـزوم أعبـر بالقلـم واتكلـم=اللي ليا من قـال قـول يتمـه
العرف مايعرض على غير فاهم=ياحاكم العريف رجـل المهمـه
من كان مثلي لازم يدغفه هـم=ملزوم عوكات الطواري تخمـه
عساك من سوء المقادير تسلـم=والخير يهيالك مـع كـل يمـه
هذه القصيده مرثيه في صاحب السمو الامير/ سعد بن محمد بن عبدالعزيز ال سعود
رحمه الله
ياونتن ونيتها من بلا حل =أمر جلل مايرفا لو شكيناه
اون ونة من ضرب بالمشلل=كونه عطيب ماتداوى هواياه
وابكي وغيري من بكاه وتململ=ابكي الامير اللي طروقه مخلاه
على سعد دمع العيون يتهلل= لاواحسايف من فقدنا سماياه
ابو اليتيم والمريض المشلل=يعطي ويخفي مايبين عطاياه
وابو السجين اللي طريح وهمل =جاهه من اجل انقاذته يبذل اقصاه
مرحوم ياشايل عن اللي توحل=لامن شكى له ثم كشف له خفاياه
يالدرع يالصنديد ياملتجا الكل =يامن دوافيع الشرف من مزاياه
ياللي من العود المسما تسلسل=فيصل عديم الراى لاتاه من تاه
هداج تيماء كوكب مايكمل =ياقل والله من يسوي سواياه
اللي يعرفه من فعوله تهول=حاله وماله مايكفي عن الجاه
هو يعرف ان فعل الحساني له حل=في ساعتن ماقدم العبد يلقاه
واخر كلامي قلت وانته معي قل =يالله عساه بجنة الخلد ماواه