25-12-2010, 07:35 PM
|
| |
رد: لـבـظـه بس شوي بـآخذ لـيے ~ شهيق ...ودي [ أفضفض] םـدآم أني ωـهرت ღメツ
مساء الخير .,’
وش اخباركم وش علوووومكم .,’
بسولف لكم شوووي .. عن الجامعه اليوم . بالتحديد عن درجاتي .
ابتدت المحاظره الاولى الساعه 8 المهم قال لي الدكتور الباكستاني درجتك .. السهلي درجتك 15 من 20 وتضايقت صراحه . كان طموحي درجه كامله .
المهم قلت شي احسن من لاشي << حكمه يابانيه .
وتنتهي المحاظره على التسع وشوي .
وتبتدي المحاظره الثانيه الساعه 10 والدكتور السوداني . يعلمنا بالدرجات وقال لي درجتك 25 من 30 وافررررح . واتضايق شووووي اقل من حقت الباكستاني . عاد قالي زميلي اثرك خطير .. قلت له : انا اذا اهتويت وخروا عن دربي .
وتنتهي المحاظره .
وتتبدي محاظره ثالثه الساعه 1 م محاظره ساااامجه لان دكتورنا بنقالي وصارت لي مواقف منه اللي غبت عنده وعاد لي االاختبار بعد الموت . ويوم خلصت المحاظره وانا اسئله كم اخذت ؟
قال لي درجتك جيده ليست سيئه .. قلت طيب كم : قال 10 من 15 المشكله اني حال الاسئله والاملاء صح وكلللش , بس ليش عطاني كذا الله اعلم ..
وفيه ماده رابعه اخذت فيها 20 من 25 ... وش هالحظ اللي كله فرق خمسه عن الدرجه الكامله ., مشاء الله بس (( قولوا مشاء الله هههه ))
عاد وش الشي الغريب اللي لاحظتوه في درجاتي ؟؟؟
ان الرقم 5 حاظر فيها كلها .. كل درجاتي تنقص 5 <~~ احب هالرقم بس وش اسوي . في مثل هالمواقف اكره احب الدرجه كامله ..
المهم وانا نازل من الدرح قابلت دكتور كنت مختبر عنده الاثنين .. قال لي شد على نفسك ومن هالكلام . درجتك مش مرتفعه .. المهم كلمته وضحكت معه وبالاسلوب .. ابيه يساعدني لاكن لاجدوى جميع محاولاتي فشلن ! يادكتور يد وحده ماتصفق ساعدني خخخخ وتيتي تيتي زي مارحتي زي ماجيتي << مثل مصري .
ومن يوم طلعت وانا مسنتر ع النت .
دعواتكم بس
السبت الجاي اختبارين والثلاثاء اختبار ... وياقلب لا تحزن .
آخر تعديل هلاوين يوم
26-12-2010 في 04:27 PM. |