12-11-2010, 03:31 AM
|
|
ياللي عيونك ماتهاب وتاوي
ياللي عيونك ماتهـاب وتـاوي=سهمٍ بلا رامـي ورميـه قـوه
ماني على نظرتك والله قـاوي=مدري هوى وألا علـي اتمـوه
سهم النظر دايم قوي وكـاوي=صد النظر لن كان فيك امـروه
لي قصـةٍ لوقالهـا لـك راوي=تعرف غرامي كيف عايش جوه
وتدري بأني عاشقٍ له هـاوي=قلبي سكن في داخله من جـوه
روّح وأنا للحب مانـي نـاوي=بعده ولو كذّب عليـك امفـوه
ماحب غيره لو برق لي نـاوي=عهدٍ عليّه يـوم يبـرق نـوه
صار الزمن من غيبته متساوي=ماعاد أفرق بين خيـر وسـوه
صحيح غاب ولالقيـت مـداوي=من الهوى قلبي موّلـع ضـوه
لكن حبـه حاضـنٍ لـه وآوي=حتى مايفرح عاذلـي وعـدوه
وأنا أنتظر متى يجيني ضـاوي=ضي الفـؤاد وغايتـه ومنـوّه
لاتحسبني جيت لـك متهـاوي=ماحدن وصل له في مدى وعلوه
روّح لمن قلبه فضي وخـاوي=واللي تريـده فيـه بالله سـوه
وان كان عينك ماتهاب وتـاوي=صفحتك يوم امشي ترى ممحوه
توقيع : عبدالله العصيمي للإستفسار قالت له : إنني أستمد أنفاسي من أنفاسك .. فكتم أنفاسه يداعبها .. فـ [ ماتتْ ] !! | |