06-11-2010, 09:07 PM
|
|
اللي عجبني يستحق إعجابي
اللي عجبنـي يستحـقّ إعجابـي =واللي ما يعجبني يـروح بشانـه
عقب أستوت مع مدرك الأسبابـي =حرام أقـول الفاضيـه .. مليانـه
وأضحك على نفسي وأفلّ كتابـي =من شان عين فلان .. وعين فلانه
الذوق واسع يـا أؤلـى الألبابـي=وكلّن حصيله من حصيل أيمانـه
يجذبنـي اللـي منزلـه جذابـي=اللـي بنـا بيتـه علـى سيسانـه
رجلـن يمـدّ لسانـه الكـذابـي =يستغفـر الله لا يقـصّ لسـانـه
والله ما احبّ مجاملات أصحابـي =أظـن مـا لمجاملتـهـا خـانـه
عايش على جوارحي وأعصابـي =لـو أنهـا مـن خلقتـي تلفانـه
الحلـم وردي والرّجـاعنـابـي=والطيف شابت عيني من الوانـه !
يا الله عساهـا مـا تبيـد ثيابـي=قّـدي وأنـا سـديّ ورا بيبـانـه
أحسب حساب اللي يحسب حسابي=وأقرا على اللي راقصن شيطانـه
عوّذت من راس الغراب وشابـي =وسميّت بسـم الله علـى جنحانـه
واليا حذفني واحد مـن أحبابـي=أعّـدل اللـي ميّلـت ميـزانـه
مانيب يمّـه يـوم أحـدّ النابـي=الذيب مـا يآكـل لحـم ذرعانـه
توقيع : عبدالله العصيمي للإستفسار قالت له : إنني أستمد أنفاسي من أنفاسك .. فكتم أنفاسه يداعبها .. فـ [ ماتتْ ] !! | |