مجالس الرويضة لكل العرب - عرض مشاركة واحدة - تصميم الشاعره المرحومه بويديه حرم سيف بن عبد الله المنيعير

#2 (**permalink**) 05-11-2010, 09:53 PM

في سعد أخوها ّّّّ
لا تعبر ياسعد يابعد حالي .....لا تزيد القلب تولع مشاهيبه
والله ان قلب العنا قام يجتالي....والله ان ذرايت النود تلوي به
أدميثي من مطر حاجري سالي....هل بشعيبه وظاقت محانيبه
من وسيعه لي سنام أهذل أهذالي.....حفية الرجلين والحيل نكديبه
ما احدن ياجبرتي قال عزالي ........كود والي البيت بالخفو يدريبه

ّّّّّّّّّّ
البارحه ساهر والقلب أدايبه........و عيني قزت من لذيذ النوم ما جاني
قلب عذلته وعيا وش أسوي به....ظليت أعذله وعيا القلب ما أوحاني
أقول يا قلب هيد وش تبغي به.......أدله عن اللي دله عني وخلاني
ويقول والله لا داله وودي به.......والله منتب صديق يوم تنهاني
أخو نساني وأنا والله ما اصخي به.....والله مانساه كود الموت ينساني
هجس أبدي على الحاكم وأماني به......واطلب سعد من لزوم سعود بحساني
وسعود لو ما وطى المشحون يدي به.....ما كان يرضى طويل العمرما جاني
ّّّّّّّّّّّ

عتقني الوالي من الموت والنار........و كان قد جاله بروحي مواري
واللي بلاي أبن الردى عمس ألابصار......ما فيه شيمه مثل بعض الرجالي
لا نيب له عشقه ولا هو بحجار........مت عوذه من قبل يقطب حبالي
ويالايم المبغض عسى ابوك في النار....ولا عسى يجري لك اللي جالي

ّّّّّّّّّّّّّ

يابعد عني دار أهل ريم بعداه......ومن دونهم سمر العجل بنشراني
القلب ميلاف وعيني مشقاه.......وأه لي بعيد وخلف البعد كل ضني
ّّّّّّّّّّّّ

أحمدت رب بدل التتن بالمسواك.....وا شوف عود الراك له ماقف زيني
أحمدت رب يامحمد أنه هداك.......وانا برجوا المعتلي ما يخليني
والله يشني يا محيميد من شناك......ومن أبغضك عساه يعطى عم العيني
ّّّّّّّّّّ
يا جعل ذيب عض صدغ الحبيبه........ يجي بعين مشبب هم يرميه
ياليت داعيها عليها رقيبه.... حتاه يحط القضا ياولد فيه
ولا ذريه جت غدا له غصيبه.....طاح المطر والغرق ربي دعافيه
ياليت أبو ساره دياره قريبه.......كان أعاني له والعوض في مواشيه
ّّّّّّّّّّ
يامن لعين من أمس العصر جضاره........وا لدمع منها عالي الاوجان محفيها
القلب متهيض وزريت بعباره......... ..وزريت فيها وهجس اني بخليها
من يوم قيل الحبيب ركب طياره......الله عالم وين دار وقعت فيها
في ومر شيخ يدير الملك بفكاره.....وهي استوت له وهو حكمه مسويها
عساه يدوم ملكه والولي جاره......اللي عالي ألين وشطه يصاليها