مجالس الرويضة لكل العرب - عرض مشاركة واحدة

#1 (**permalink**) 30-10-2010, 11:53 PM

بسم الله الرحمن الرحيم
الشاعر سويلم العلي السهلي
من أشهر شعراء الوجد في نجد بل في الجزيرة
العربية شاعر مبدع جدًا لم يخدمه الاعلام كغيره
من شعراء عصره الذين ابدعو دون اعلام الا من بعض برامج البادية النادرة جدا
اخترت لكم هذه القصيدة الجميلة المعبرة من قصائده الكثيرة آمل ان تحوز على رضاكم
اخوي طاب الكيف له والتعاليل
صدره وسيع ولا تجيه الهمومي
لاواهنيه له شبوح ومراسيل
وانا شبوحي ماتجيب العلومي
والبدو شدو نوهو بالمراحيل
وكل ٍ ركض للزمل شلاه تومي
احدٍ يخم العلق يخطيه ويشيل
واحدٍ تقلل تقل ماله لزومي
وشالو وقفن الضعاين زعاجيل
وشفو وهفو واتقوا بالحزومي
وانا بمرقاب الشقا عيني تخيل
في راس مرقاب طويل الرجومي
اخايل الاضعان واقفت مقابيل
استقبلن ضعون زاهي الرقومي
وايست من دعاج الاعيان بالميل
ولالئ على نابي الردايف سلومي
وجدي عليها ود من له مواحيل
حيل وخلفات تدوس الوسومي
وعشاير شقح تلاد ومخاليل
ومعهن على شقران فلو قحومي
الى ان قال
غارت عليها القوم خيل ورجاجيل
وطبح على فلوٍحشور عزومي
واقفا يرادي به عن الخيل حلحيل
شذر حذر تالي شيوخ قرومي
واقفت على ذوده عصاة مشاكيل
وكلٍ على حقه شحوح بحومي
هذا وجودي وجد من له مواحيل
من عقب ماهي ذود صارت قسومي
اووجد من صدر على اربع محاحيل
لها ليا غاب الرقيب امعلومي
صدر على اربع ماية كلها كيل
حب حمر تسقي نواحيه كومي
اربع عقايبها اربع كنس حيل
ويشيلن الما في وساع الكمومي
يوم استتم الزرع شال النما شيل
نشت بردها كبر روس البهومي
وهلت على وسط المفالي هماليل
وصارت على روس النواحي رجومي
واللي بقي من حبها شاله السيل
غثو السبل بالسيل مثل الهدومي
واصبح يصيح ويزعج الويل بالويل
عن نول ما نالت يديه محرومي
الله يكفينا شرور المخاييل
الا عطا رحمة كما انه رحومي
رحم الله سويلم العلي الشاعر العلم
ولي لقاء مع بقية قصائد سويلم
في مشاركات قادمة بأذن الله