عاد لي شوق(ن)قديم وعدت له من تالي = جدد المحبـوب قصـة بنـدر المنسيـة
كنت احسب اني نسيته واختفى من بالـي = مادريت ان الغـلا يخلـف دروب النيـة
وكنت احسب اني على كيفي بكل احوالي = واثر راعي الحب مايدري عن الحريـة
ليتني يـوم الثلاثـا ماتركـت اعمالـي = ولامشت رجلي بدرب الحـارة الشرقيـة
عدت من جد وجديد ابكي على الاطلالي = ردنـي زيـن النبـا للحـب والقافـيـة
جيت له وشلون مادري كيف جيت وجالي = ماوعيت الا ونا اشـرب دلة(ن)مركيـة
مـن يميـن لاعدمناهـا يميـن الغالـي = كـل ماشكـرت لـزم قهوة(ن)بـريـة
اذكر انه عـن يمينـي والـدلال اقبالـي = وانتكلـم فـي الغـلا والسيـرة العاميـة
والعتب بيني وبينه والحديـث اسجالـي = كل منا يبعـد التقصيـر عـن شاطيـه
وعاد حن في سالفتنا والحديـث اجمالـي = مادخلنا فـي مواضيـع الغـلا الجديـة
غصت العبرة بحلقـي واخلفـت موالـي = والحكى اللي كنت اقولـه ماطلـع باقيـه
واختصـرت بكلمتيـن للحبيـب الغالـي = الزمن حاشك وجياتـي ماهـي عاديـة
وقلت ياسبة شقـاي وياسبـب غربالـي = ويا سبب كل الجـروح الميتـة والحيـة
والله ان تبطي وحبك في الحشا مازالـي = قد بغيت اسج منـك والجـروح امعيـة