03-10-2010, 01:51 AM
|
| | | | | لوني المفضل Crimson | | رقم العضوية : 3500 | | تاريخ التسجيل : 08-05-2009 | | فترة الأقامة : 6071 يوم | | أخر زيارة : 03-04-2013 (12:13 AM) | | الإقامة : في بيتنا | | المشاركات :
5,356 [
+
] | | التقييم :
289623 | معدل التقييم :   | | بيانات اضافيه [
+
] | | | |
رد: خواطــر عطـ فواح ــر
يا الله ياللي تعلـم السـر الدفيـن
اللي يتصـدّد منْـه حتـى قايلـه
يا رب تهدينـي وبالحبـل المتيـن
جوّد إيديني عن سمـوم القايلـه
وتعيذني من عرضه ابليس اللعين
اللـي لخلقـك ناصـبٍ حبايـلـه
وإنك توفقنـي ولأحوالـي تعيـن
أنت الذي لا ضقت قمـت أخايلـه
لا ضاعت الحيله عليّه يـا معيـن
ما غيرك أحـد بالوجـود أسايلـه
مالي غنى عنّك وضعفي مستكيـن
وإنت الجدير اللي يبث شكاي لـه
مرات أحس إني بهالدينـا حزيـن
ويضيق صدري لين أصبّ بكاي له
وتاخذني الذكرى ونسمات الحنيـن
للي غـدت دنيـاه فـي رحايلـه
أبوي وأصحابي وكـل المسلميـن
ومن كان قبـره صفّقـت نثايلـه
هنا عرفت إن الأجـل لازم يحيـن
وإن البقى للـي علـي فضايلـه
ولو هي تدوم إن كان دامت للذهين
اللـي يمـرر بالخفـى عمايلـه
لكنهـا فيّـة عصـر للمبصريـن
اللي لهـم بالعلـم قـوه هايلـه
والهقوه اللّي ما يلقّحهـا الفطيـن
تبقى على طول المسافـة حايلـه
حاولت أزينهـا وعيّـت لا تزيـن
والوقت عمره ما يعـدل المايلـه
والصاحب اللي لا بغيته ما يبيـن
وليـا زهمتـه قافـلٍ موبايـلـه
هذاك خلـه لا يسـار ولا يميـن
وكبّـه إذا إنـك للشدايـد شايلـه
ويالعبد مالك غير صوم وركعتيـن
وإلا تـرى الدنيـا حيـاةٍ زايلـه
ومالك عن اللي منكتب لك بالجبين
واللي مهو مكتوب منـت بنايلـه
والعمر رحله والمسافات السنيـن
والعبد موتـه لـو يعمّـر جايلـه
مير اعبد الله لين يأتيـك اليقيـن
وشيٍ مهو مكتوب منـت بطايلـه
شعر/ نهار بن ممدوح
توقيع : عطـ فواح ــر
| مـواضـيـعـي
| |