الدمعة اللي حدّرت في ضحى العيـد مـن مـوق عـيني والخـدود اجرحتـهــا
حاولت أخفّيها عـن أهـل المناقيـد
وخـانـتـنــي عيـون الشقـا واذرفتهـا
كني مع جروح الزمن لـي مواعيـد
حـتـى نـهـار العيــد... وش تاليتهـا !
أحيا الجروح الميتـة شمـعــة الـغـيــد
شبيهـة اللـي مهجتـي مانستـهـــا
صغيرة(ن) كنها من الحور وتـزيــد...
عن غيرها.... كل العيـون بهرتهـــا
عرفتها مـن بيـن الاطفـال بالجيـد
الله فرقـهـا بــيــنــهــم بـرقـبــتــهــا
ولاجت تخطى كن فارجولهـا قيـد
ريمية(ن) ذاب العسـل فاضحكتهـا
عيون قرناس(ن) تعوّد على الصيـد
وهـي تصيـد وصـيـدهــا بـهـدبـتــهــا
عكش(ن) إلى من سلهمت جات بالعيد
فـيـهـا حــروف الـمــوت عـينــي قرتــهـــا
قلت: اســمــحـي ســؤال واحد ولا ازيـد
عـمّــن مـكـانـتــهــا بـقـلــبــي بنـتــهــا
قالت: (فلانة)؟ قـلـتـنــا إي والـلـه أكـيــد
من غيرهـا بـعــد الـسـنـيــن أبـعـدتـهــا!
بعد أصبحت داري عـن اديـارهـا بـعـيـــد
كيف الليـالــي فــي غـيـابــي قـضـتـهــا
مـدري جـنت مــن حـالـيــات الـعـنـاقيـد
ولا السنيــن الـلــي حـدتـنــي حـدتـهــا
قـالـت الـبـارح عـرسـهــا عـلّــه سـعيـد
يـاحـظــهــا يـاســعـــدهــا يـابــخـتــهــا !
تــزوجـت... والـيـوم راحــت لـمـدريــد
قـبـــل دقــايــق مـقـلــعــة طـايـرتــهــا
وقـفـت كـنــي وســـط طـابــور تجـنـيتـد
والـرجـل عـجــزت لاتـديــر احــــركـتـهــا
كــنـت أرسـم الاحــلام لـبـعـيــد.. لبعيـد
وســود الـلـيـالــي بـالـفــراق ادفـنـتـْـهــا
يـالـيـتـنــي مـاجـيـتـنــا قــاطــع الـبـيـد
ولانـشــدت الـلــي جـروحــي نـكـتـْهـــا
راحـت ورحـت وراس مـالــي تـنـاهـيـــد
يـاحـظ دار(ن) شـيـخــة الـزيــن جــتـهــا
أنـا أشـهـد إنـهـا جــات بـالـعـيـد فالعيـد
ريمـيـة (ن) كــن الـشـهــد فـاضـحـكتْهـا
نايف الدوسري