27-09-2010, 08:43 AM
|
| |
البال .. ماهـــيـب راحته من راحة اعضاء الجسـم
ياماخذ الدنيا وساعة صـدر .. ومــــزاح وضــحــــك
علّمني كيف اتخلّص من الضيق واضحك وابتسم
لاصرت ماتلقى صــديـــقٍ .. يحتويـك ويـنـصـحــك
فـي وقــت مــاتاخذ به مْن الأصدقا .. غير الإسـم
تــخــيـّل انــّك في مكاني وانـت كـل ٍ .. يـجرحـك
والهــمّ كِــسْــرة خــبـز مابينـك وبينـك .. تنقسـم
والناس حــولك تــذبــحك مـن زود ماهـي تذبحـك
ماباقي الاّ يوسمون الطــعـْن في ظهرك .. وسـم
وان جيت تشكي قالوا: اسـكت بس والله يصلحك
الجرح جــرحـــك .. والبلى بلواك .. والأمر انحسم
والصبر .. لو ماكــل جــنــبٍ فــي منامك .. ريّحـك
البال .. ماهـــيـب راحته من راحة اعضاء الجسـم
ولاّ انت يـومك رحت تـشكي وش معاك ومربحك؟
من صاحب ٍ بالـعــجــــز وانـواع التــخــاذل يتّسـم
يـقـسـم لك .. انّه لــو درى في ضيقتك مايفظحـك
والمشكله .. يمشي ويفظح فيك .. ويضيع القسم
تفرض عليه المصلحه لــو مــا يــذمّـك .. يمدحـك
يعني كأنّه لوحةٍ حسْـب المصالـح .. تــنــرســـم
وتضـــيــع مــا تدري من اللي لانخيتـه .. يمنحـك
الوقت صكّاته كثـيـــر .. وطــعْـــم صــكّـاتـه دسـم
والقــهــر .. لامــن جيــت تفرح ماتلاقـي مطرحـك
في عالم ٍ من ضيق صــدر اهْــلــه .. تدوّر للنسـم
فانْ ضاق صدرك وسّعه ياشيخ .. واقــلـبـها ضحك
معْك الحياه بـتـبــتــسـم بـس انْـت الاوّل إبــتسم
لآمست آحآسيسي |