عسى أن ترتقي لذائقتكم


أسهل الحزن .. دمعٍ .. لا رمشنا همى=واصعب الحزن .. دمعٍ .. نرمش .. وما يطيح
ليتني .. في الفراق .. أبكم واصم وعمى=وانتهي .. معك .. قبل مفارقك .. واستريح
كنّك .. الغيم .. في كفّي .. وكفّي سما=وفـ المدى .. كنّي اسمع .. صوت .. خطوات ريح !!
اكره اني افارق .. واكرهك .. كلّما=جبت .. طاري .. ( فمان الله ) و ( الله يبيح )
وادري .. اني بَعَدْك .. من الظما. للظما=وانت تدري .. وانا ادري .. ليه احسّه صحيح !!
الأماني .. قصيرة .. لو نمى .. مانمى=وان غدت .. شوك .. في كفّينك .. ومات شيح
وقتها .. قم .. تولّم .. للوداع .. إنما=لايروح الكلام .. مسامحات .. ومديح!!
خلّنا لا احتمينا .. والفراق .. احتمى=نشبه الشمع .. في نفسه .. يشبّ ويسيح !!
أصعب الحزن .. دمعٍ .. حام .. حول الحمى=من وانا صغير .. لكن .. ما اوشك يطيح !!