يازوع قلبي زوع حر النداوي
ويالب قلبي بين الاضلاع لبى
من يوم سافر غايتي والمناوي
الدمع بالاعيان ماعاد جفى
الحب والفرقى عذاب وبلاوي
والقلب من طول الفواقد تخبى
مع الضحى وانا احسب الليل ضاوي
اختل فكري واختلف يوم قفى
دونه حياتي وش حياتي تساوي
مالي مع غيره مقاصد وشفى
ضحية الفرقى تجر الغناوي
وترجي الوصال وللعلوم تلفى
ياصاحبي كانك على البعد قاوي
فاللي حصل لي منك من قبل كفى
دامي شربت المر شرب القهاوي
والهجر والحرمان كفى ووفى
امسي مريض فراق مالي مداوي
واصبح على جمرة غياب اتدفى
ياصاحبي تكفى ترى الحال ذاوي
صرت انت والاحزان والهم صفى
ارجوك خبرني على ويش ناوي
ترى الصراحه يالغلا ماتخبى
لاتقطع آمالي وانا فيك هاوي
وتشب نارٍ في الحشا ماتطفى
تح ــــــــيتي,,,