18-09-2010, 08:33 AM
|
| |
رد: اكتب اسم الشاعر واللي بعدك يجيب له ابيات ع ذوقه $$
(( الغــــيبه )) لا جيت لك في مجلس فيه مغتـاب سوالفـه خلـف المقفـى شنيعـه اما ابذل لتغييرت المنكـر اسبـاب دافع عن الطيـب بمـا تستطيعـه والا اخذ لك فنجال واخرج مع الباب نزه جنابك وارض ربـي وسيعـه هل تعلم ان اهل التنابـز بالالقـاب بين الاخـوان يسببـون القطيعـه والناقص اللـي للعراقيـب شـذاب غيـر جبـل ولا تغيـر طبيـعـه تلقـاه نمـام لا ودى ولا جــاب وان صار له فرصه خذاها ذريعـه والا حسـود مفتـرى والا كـذاب ما يعجبه صيف الزمـان وربيعـه لا عجز عن وقفات عطران الاشناب اهل الفعايـل والنفـوس الرفيعـه جالس عسى الله يكرم السامع اذناب زلايـب تستقبـل اللـي يذيـعـه وطعن وعذرب في الاسامي ولنساب وحاول يحط بكـل طيـب هزيعـه ما يدري ان ما دون عين الله حجاب وصكـات دورات الليالـي سريعـه الحق يأتي له بعـد حيـن طـلاب اليـوم والا الصبـح والا تبيـعـه والرابح اللي لا ذكـر زلتـه تـاب لا خالف سلوم ولا خالف شريعـه
الشاعر:
محمد الشهري
|