مجالس الرويضة لكل العرب - عرض مشاركة واحدة

#3 (**permalink**) 03-09-2010, 03:20 PM

غضت نظرها ماتبي ترفعه فوق
وشلون لوتاقف وترفع نظرها

يصير مافي تالي الروح ملحوق
والفاتنه كلن يطيح بخطرها

الله ياهي قمة الحسن والذوق
يوم أبعدت عنا وكفت بصرها

وشاحت بعينن رمشها يستر الموق
مستورة(ن) حطت نظرها بأثرها

سبحان من صور بها الشكل مخلوق
وإلا البشر ماتختلف في صورها

لكن جعل بالزين والمنظر فروق
كما فرق ذا الفاتنه عن بشرها

ترفع مقام السوق لو تنزل السوق
من لابتن بالناس عالي قدرها

والقلب من حب الغنادير محروق
ومشاعري نجل العيون تحدرها

الشاعر/سلطان العتيبي