الدمعه اللي وقفت بين الاهداب
لا تسأليني يا الغلا عن خبرها
الهجر ماهو من قوانين الاحباب
لانه سبب دمع العيون وسهرها
هذا الجفا ماني بعارف له اسباب
خيَّم على نفسي وبين كدرها
انا اشهد ان الهجر في شرعي ارهاب
وانا انبذ الفرقه بشتى صورها
الوصل يا بنع الغلا سكره ذاب
سطى على دنيا الغياب ونحرها
والحب ماهو سلعة بيد كذاب
وما هو حلوم وكل من جاء عبرها
الحب بقلوب المحبين له باب
من يدخله بنى قصور وعمرها
يحكم قلوب وبالخفا يأسر الباب
وارواحنا من دون ندري اسرها
وقلبي اسير وعن هوا الزين ما تاب
اللي دموعه لاجل عيني نثرها
حتى سمي حبه على كل الاقراب
ومراسم افراحي حبيبي حضرها
ولامس مشاعر نبضها دوم وثاب
ونفحات حبه حول قلبي نثرها
ماعاد تغريني في الحب الالقاب
وحددت رغبات العيون ونظرها
الظن في ما بيننا صاب ماخاب
وقلوبنا على الوفاق اختبرها
وغيمة وفانا ماسقت ديرة اجناب
على مرابعنا تهامى مطرها
واسقى مشاعرنا موده وترحاب
وسيرة غلانا سلسبيله غمرها
كتبت لك شعري وماني بمرتاب
يا قصة والشعر ما يختصرها |