مجالس الرويضة لكل العرب - عرض مشاركة واحدة - يــــــــــــــــــــــــــــوم في حيــــــــــــــــــــــــــاه عضــــــــــــــو

#**404** (**permalink**) 12-08-2010, 06:42 AM

طاب يومك وهج وتقبل الله صيامنا وصيامك وصلاتنا وصلاتك

أما أنا مدري من وين آبدأ ولكن سأبدأ من مخيلتي

رحت اصلي العشاء يوم الثلاثاء ويوم رجعت للبيت ويستقبلوني أعيال أختي واعيال اخوي مبروك مبروك وانا مدري وشو عليه يباركون وسألتهم مبروك على وش قالوا مبروك مبروك قلت الله يبارك فيكم بس على وشو الحاصل وأدخل البيت بسأل أمي هل تم الإعلان ولا باقي قالت إلا أعلنوا ..آجل ماقالوا لك أعيالك قلت آآهااا آثاريهم يقولون مبروك عـ رمضان ثم باركت لأمي بمناسة دخول الشهر الكريم قلت آجل بروح آصلي بمسجد يمدحونه قريب من عندنا ويوم رحت ولا الصدمة من جد .,. تخيلوا توني طالع من صلاة العشاء من المسجد اللي جنبنا ورحت للبيت ولا طولت حق 4دقايق ويوم دخلت المسجد ولا الإمام الله يجزاه خير توه بادي في الشفع وعلى مادخلت المسجد ولا ركع ولا آمداني عليه <<سريع جداً ..الله يتقبل بس!!
وأصلي معهم الشفع والوتر وآطلع للبيت أبي ابارك لاهلي بمناسبة دخول الشهر وآستقبل المهنئنين وعلى طاري المهنئين في واحد مكلمني العصر يقول إن كان اليوم صلينا تراويح تراي بتقهوى عندك بعد الصلاة شفتكم ولا شفته لا وآدق عليه ولا يرد بعد.!
الحاصل اني قلت أبسهر وبغير الروتين اليومي ولا قدرت مع اني بذلت قصارى جهدي في مقاومت النوم ولكن غلبني انتصر علي على تمام الساعة الواحدة صباحاً طبعاً انا قايل لأهلي إذا جت الساعة 3صحوني وفعلاً نمت وصحيت الساعة 3 وتسحرت معهم وجلست حتى آذن الفجر وصليت ولاطلعت من المسجد إلا الساعة 5 ويوم وصلت البيت وأسحبها نومه وانا خايف أني اسحب عـ الدوام ويوم جت الساعة 9ويقوموني أهلي وأروح وانا متآخر عـ الدوام ومافيه إلا قوة تهور على هالصبحية << تهووون سواقة أخو وهج مقارنة فيني
الحاصل داومت وأصبح عـ القروب بالخير وأهنيهم بدخول الشهر آطالع في الشباب ولا هم دآآآيخين عـ الآخر وانا مبسوط <<شبعان نوم
ويسآلني المشرف قال متى نمت قلت نمت الساعة 1 وصحيت 3 ونمت 5 وصحيت 9وربع
ويناظرون فيني كل قروب العمل بدهشه <<متعوب عليها
الآغلب منهم سهارى وعاد تعالوا أسمعوا أنواع الذبات علي
اللي يقول انت النوم بجيبك متى مابغيت تنام نمت
واللي يقول شبعان نوم وجاي يطقطق علينا
و....و....و

الحاصل بدأ دوامنا الساعة 10 وبصراحة نفسية الشباب زفت وقفلنا الباب على صلاة العصر ونصلي العصر وكلن راح لأهله طبعاً جوالي مايفصل رسايل والله وأروح للبيت وكنت مخطط على محل عصيرات <<يمكن يعرفونه آهالي منطقة الرياض أسمه 50 فاكهة

ويوم مريته ولا هو توه مافتح قلت ألا يامنتظرك وسيده عـ مسجد حارتنا أبي أقرأ قرآن شوي ويوم فتحت الباب حق المسجد ولاااا ماشاء الله تبارك الله المسجد ماتلقى فيه مكان تقرأ فيها هالناس جاهم الوحي وانا مدري توهم يعرفون القرآن ولا مايقرون القرآن إلا في رمضان بس!!! بصراحة ذمتي برية منهم , الحاصل ما خذيت نص ساعة ويجيني إتصال من آخر العنقود أختي توصيني بآغراض للبيت وعاد انا ماقدرت اقرأ زي الناس كنت جالس في آخر المسجد من جاء يطلع مـّر علي يسلم ويبارك لي عـ الشهر المبارك وفوق كذا انا مرهق جداً من العمل ومن الجوع و ( الهفى ) على قولة زميلي سلامة السيف يقول معناها الظمى [ الشخص الذي ريقة ناشف من قلة السوائل ]

قلت آجل بجيب آغراض آهلي وبروح اتمغط لعل وعسى يجيني نوم على مايجهز الفطور
وبرضوا ماجاني نوم والجوال مايفصل شوي رسالة شوي إتصال الوكاد أني مانمت بس متمغط تحت المكيف ويجيني إتصال من حلوة اللبن ماما تفيد بإن الفطور جاهز والله وأقوم وأتوضى واروح أفطر وأصلي المغرب وأرجع أفتح عـ المجالس قلت لعل وعسى نزل السؤال الأول ولا تبين لي شي وأقعد آقرا رسايل المسن على ما بال آذن العشاء وآروح انا وأختي للمسجد اللي صليت فيه البارح وبصراحة انصدمت منه مره ثانية المسجد ماتلقى لك محل والإمام الله يجزاه خير يمشي طبلونه تصدقون أني دخلت معه في ركعة الشفع بنية صلاة العشاء وأسلم من العشاء وأدخل معه في الوتر ونرجع البيت ولا مسجدنا توه يبدأ في التراويح عاد انا قلت العمل بالنية حنا نوينا صلاة العشاء والتراويح والنية بلغت الحمد لله وآجلس مع أمي شوي ويوم جت الساعة 10:30م ولا خلاص ما اشوف دربي دايخ ابي النوم والله وأرقد وأصحى على الساعة 3ونص وعليها إلا اللحين لأني ابي أخربط نومي عشان أعيش جو الناس وإن شاء الله إذا جيت من الدوام نمت
عاد لو أقولكم الدوام اليوم كم ساعة بتضحكون علي والله...

من الساعة 10:00ص حتى الساعة 12:00م والله ماتسوى علي قومتي من النوم وطقت مشوار
للدوام على العموم كل شي بآجرة إن شاء الله

وهذا يومي تقريباً