وتاليهـا معـك يالقاسـي المتغطـرس البعّـاد
جروحك إستحت من فعلها في صدر مضنونك
وما بان افـعيونك ماقترفته مـن ألـم وسهـاد
ولاطيبي ولاصبـري عليـك يبـان فعيونـك
ثلاث سنين تارك بـاب لومـي والعتـب وصَـاد
آخاف أجرح غياك بشرهتي وآحرّض ضغونك
تصّور رغم ماشفته معك مـن جـور وإستبـداد
معك.. وقفـت لاقامـن معاليقـي يدينونـك
ياجاير كنت جاير لك ادور فـي هـواك ضمـاد
من طعون الزمن لكن غرقت فـغبة طعونـك
ومع هذا تحملتك.. لجـل عيـن الوصـل تنقـاد
اقول إجرح على كيفـك ولاتتركنـي بدونـك
ولكنـك مخلينـي علـى لـيـل الـولـه ورّاد
أدوزن وجد لو أمطر في سمعك فاضت جفونك
على كل حال اعذرني على هذا الكـلام الـحـاد
اناسف ماقصدت تضيق منه ويختلـف لونـك
طلبتـك عدهـا هالمـره وأوعـدك ماتنـعـاد
أنا أخطيت فـالتعبير لاتسرف بـك ضنونـك
انا قصـدي دخيلـك لا تعذبنـي تـرى ماعـاد
أواطن شوفة ذنوبك بقلبـي تـوزر متونـك
وكانك ماتخـاف الله فينـي والرجـا مـا فـاد
تفرعن مادميت إلا خفوق يموت مـن دونـك
ولكن قبل ماتفتح بصـدري لـك جـروح جـداد
أبيك تداوي جـروحٍ لهـا سنيـن يتحرّونـك
عشان إن جيت في صدري تمارس وضعك المعتاد
تلاقي به مكانٍ ياسـع لخنجـرك وطعونـك
....